Ákim saılaýy: maqtaaraldyq ájeler men kelinder saılaý ýchaskesine ulttyq kıimmen kelip daýys berdi
Búgingi Maqtaaral aýdany ákiminiń saılaýynda túrli qyzyqty jaǵdaılar oryn alýda. Órgebas aýylyndaǵy Qasym Amanjolov jalpy orta mektebinde ornalasqan №401 saılaý ýchaskesine top bolyp jınalyp kelgen aq jaýlyqty aýyl ájeleri men kelinder jappaı daýys berip, ózderiniń saıası belsendilikterin kórsetti.
Ájeler alqasynyń okrýgtegi tóraıymy Gúljan Qambarbekova qazaq áıelderi erte zamannan qoǵam tirshiligine etene aralasyp, memleketti basqarǵanyn atty. Sondyqtan, qazirgi jas qyzdarǵa, kelinderge úlgi bolýy úshin búgingi saılaýǵa kóp bolyp qatysyp, daýys bergenderin jetkizdi. Ájeler men kelinder arasyndaǵy sabaqtastyqtyn úlgisin kórsetken olar kópshilikti saıası naýqanǵa belsendi qatysýǵa shaqyrdy.
Sonymen qatar, búgin kópbalaly analar men 100 jastan asqan 4 maqtaaraldyq ta óz tańdaýlaryn jasaıdy dep kútilýde.
Al, Sozaq aýdany Sholaqqorǵan aýylynyń turǵyny, eń jas saılaýshy Nuraıym Jumádildá №694 saılaý ýchaskesine kelip, alǵash ret óz tańdaýyn jasady.
«Búgin men saılaý ýchaskesine kelip, aýdannyń belsendi jas azamatshasy retinde alǵash ret óz tańdaýymdy jasadym. Elimiz ben aýdanymyzdyń bolashaǵyna jastar beı- jaı qaramaıdy dep bilemin. Sondyqtanda árbir zamandastarymdy saıası naýqannan qalys qalmaýǵa shaqyramyn», - dedi jas saılaýshy.