Ákimshilik jaýapkershilikke tartý rásimi jańǵyrtylady - Kodeks jobasy

ASTANA. QazAqparat - Ákimshilik quqyq buzýshylyq týraly kodeks jobasyna sáıkes ákimshilik jaýapkershilikke tartý rásimi jańǵyrtylatyn bolady. Búgin Parlament Májilisiniń jalpy otyrysynda Ádilet mınıstri Berik Imashev osylaı dep málim etti.

Mınıstrdiń aıtýynsha, jańa redaktsııadaǵy Kodeks jobasynda ákimshilik quqyq buzýshylyq týraly isterdi qysqartylǵan túrde júrgizý qarastyrylady.

«Máselen, eger adam ákimshilik quqyq buzylǵan jerde soǵan qatysty hattamamen toltyrylǵan túbirtek boıynsha aıyppul tóleýge kelisse, is qysqartylǵan rásimmen júrgiziledi. ıAǵnı, adam ózi jasaǵan quqyq buzýshylyq faktisimen kelisedi, óz kinásin moıyndaıdy jáne óz erkimen aıyppul tóleýge daıyn ekenin jetkizip, eshqandaı narazylyq bildirmeıdi. Mine, osyndaı jaǵdaıdaǵy qysqartylǵan tártip boıynsha adamǵa hattama tapsyrylǵan kezden bastap jeti kúndik merzim ishinde aıyppuldyń jalpy somasynyń tek elý paıyzyn ǵana tóleýge múmkindik qarastyrylady. Al eger adam jasalǵan quqyq buzýshylyqpen kelispegen jaǵdaıda is jalpy tártippen qaralady» -, deıdi B.Imashev.

Onyń aıtýynsha, Kodeks jobasynda sybaılas jemqorlyqqa beıim faktorlardy joıý maqsatynda aıyppuldardyń naqty mólsherleri aıqyndalǵan. Bul shara óz kezeginde qysqartylǵan is júrgizý rásimin de qamtamasyz etetin bolady. «Sýdıalar jeke tulǵaǵa salynatyn aıyppuldy otyz paıyzǵa deıin azaıta alatyn múmkindikke ıe bolady. Bul norma asa eleýli jańalyqtardyń biri bolyp tabylady», - deıdi mınıstr.