Ákimshilik reformalar aıasynda jekelegen mınıstrlikter men vedomstvolardyń fýnktsııalaryn ózgertken jón - M. Nárikbaev

qpannyń 19-y. QazAqparat /Qanat Mámetqazyuly/ - Búgin QR Parlamenti Májilisi janyndaǵy Qoǵamdyq palatanyń otyrysynda «Quqyq qorǵaý júıesin reformalaý jáne onyń odan ári izgilenýi» taqyrybynda baıandama jasaǵan Palata tóraǵasynyń orynbasary Maqsut Nárikbaev ekonomıkalyq damý sheńberinde mınıstrlikterdiń qyzmetine ózgerister engizý qajettigine toqtaldy,

dep habarlaıdy QazAqparat.

«Ákimshilik reformalar aıasynda jekelegen mınıstrlikter men vedomstvolardyń fýnktsııalaryn ózgertken jón. Onyń ishinde Ekonomıka jáne bıýdjettik josparlaý mınıstrligin elimizdiń josparly bıýdjetterin ázirleýden bosatý kerek. Onyń ornyna mınıstrlik uzaqmerzimdi strategııalyq qujattar ázirleýmen, elimizdiń áleýmettik-ekonomıkalyq damýyn persektıvalyq josparlaýmen aınalysqany abzal. Sonymen birge, memlekettik baǵdarlamalarǵa eger onyń damý syzbasy, óndiristik kúshiniń ornalasý tıimdilikteri qarastyrylmasa kez-kelgen jobany erkin engize salýǵa tyıym salý qajet dep bilemiz. Bul rette mysalǵa Taraz qalasynda júzege asyp jatqan metallýrgııa zaýytynyń jobasyn alyp qaraýǵa bolady. Bul aýqymdy elektr energııasyn qajet etetin óndiris bola tura, joba elimizdiń eń energııaǵa tapshy óńirine ornalastyrylypty. Al eger joǵaryda aıtylǵan máseleler aldyn ala qamdalǵan bolsa, jobany bulaısha shyǵyndy túrde, tıimsiz júzege asyrý oryn almas edi», dedi M. Nárikbaev.

Sonymen birge, údemeli ındýstrııalyq-ınnovatsııalyq damý baǵdarlamasyna toqtalǵan M. Nárikbaev, Elbasy Joldaýynda atalǵan damý Qazaqstan ekonomıkasy úshin úlken múmkindik beretinin eske saldy. «Bul rette óziniń júıesinde turaqty tehnologııalyq úderister júrgiziletin kásiporyndarǵa basym nazar aýdarylýy tıis», dedi M. Nárikbaev.