Ákimshilik rásimdik-protsestik kodekste qandaı ózgerister bar

NUR-SULTAN. QazAqparat – 2021 jylǵy 1 shildeden bastap Qazaqstanda Ákimshilik rásimdik-protsestik kodeks kúshine enedi. Osy zańnama aıasynda engizilip otyrǵan jańashyldyqtardy QR Joǵarǵy Sotynyń baspasóz hatshysy Aıdos Sadýaqasov aıtyp berdi, dep habarlaıdy QazAqparat tilshisi.

«Elimiz naryqtyq qatynastarǵa kóshkennen keıin, qoǵamnyń túrli salalarynda týyndaǵan daýlardyń keıbirinde azamattar memlekettik organdarmen, laýazym ıeleriniń sheshimderimen kelispeı jatady. Ókinishke qaraı, kóp jaǵdaıda jeke adamdardyń múddesi, quqyǵy sotta joǵary deńgeıde qorǵala bermeıdi. Onyń sebebine toqtalsaq, quqyqtyq daýlardyń kóbisi azamattyq-protsestik kodekstiń aıasynda qaralady. ıAǵnı, azamattyq-protsestik zańnamaǵa sáıkes, taraptar teń. Taraptar teń degen túsinik boıynsha memlekettik organ, onyń quqyqtyq apparaty zańgerler korpýsymen jeke adamdardyń múmkindigin salystyrý qıyn. Osy jerde teńsizdik týyndaıdy, - dedi A. Sadýaqasov Ortalyq kommýnıkatsııalar qyzmetinde.

Osy oraıda ol atalǵan teńsizdikti joıý úshin elimizde Ákimshilik ádilet týraly zań qabyldanǵanyn, bul qujat 2021 jylǵy 1 shildeden bastap kúshine enetinin eske saldy.

«Nelikten bir jyl ýaqyt berildi? Sebebi sottarymyz osyǵan daıyndalýy kerek, sondaı-aq memlekettik organdar men laýazymdy tulǵalar osy zańnyń jańa baptary men jańashyldyqtaryn meńgerýi tıis», - dedi baspasóz hatshysy.

«Osy zańǵa sáıkes, sizdiń jer ýchaskeńizge, tólemaqylar, berilýge tıis lıtsenzııalarǵa qatysty máseleler boıynsha ýákiletti organmen nemese laýazymdy tulǵamen arada daýlar bolǵan kezde, bul ister azamattyq sottarda qaralady. ıAǵnı, azamattyq sottarda azamattyq-protsestik zań normasy aıasynda qaralady. Bul turǵyda sýdıanyń qoly baılaýly. Osy máselede sýdıa jeke nemese zańdy tulǵaǵa kómektese almaıdy. Onyń bergen talap-aryzynyń qateligin kórip tursa da, oǵan jaqtasýǵa, kómektesýge quqyǵy joq. Endi qoldanysqa engiziletin zańǵa sáıkes, sýdıanyń belsendi róli bolady. Sýdıa azamattyń talap-aryzyn durystaýǵa, oǵan quqyqtyq jaǵynan qoldaý kórsetýge múmkindik beredi. Atap aıtqanda, bul zań jeke adam men zańdy tulǵanyń memlekettik organǵa nemese laýazymdy tulǵalarǵa qarsy óziniń quqyǵyn durys qoldanýyna zor múmkindikter jasaıdy», - dedi Aıdos Sadýaqasov.

Eske sala keteıik, 2020 jyly 29 maýsymda Memleket basshysy Qazaqstan Respýblıkasynyń Ákimshilik rásimdik-protsestikkodeksine qol qoıdy.