Ákimshilik polıtsııa komıteti qala kóshelerinde otyratyn mýzykanttarǵa qatysty túsinik berdi

ASTANA. QazAqparat – Іshki ister mınıstrligi Ákimshilik polıtsııa komıtetiniń tóraǵasy Qaısar Sultanbaev qala kóshelerinde án aıtyp otyratyn mýzykanttarǵa qatysty pikir bildirdi , dep habarlaıdy QazAqparat tilshisi.

Búgin Senatta tilshiler komıtet basshysyna kóshede án aıtyp otyratyn mýzykanttardy oryndarynyn polıtseıler únemi qýyp júretinin aıtty.

«Polıtseıler kóshe mýzykanttaryna án aıtýǵa múmkindik bermeıdi, otyrǵan oryndarynan únemi qýyp jiberedi. Shetelde mýzykanttar kez kelgen jaǵalaýda án aıtyp otyra beredi. Polıtseıler mýzykanttardy zańsyz kásipkerlikpen aınalysty dep aıyptap otyr», - dedi jýrnalıster.

Óz kezeginde Qaısar Sultanbaev eger mýzykanttar avtokólik kópirinde án aıtyp otyrsa, bul jaǵdaı júrgizýshilerge kederge keltiretinin aıtty.

«Al basqa jerlerde mýzykanttardyń ónerine kedergi keltirý durys emes dep sanaımyn. Eger jaqynda ornalasqan úıdiń turǵyndary shyǵymdansa, onda polıtseıler tıisti áreket jasaıtyny túsinikti. Jaıaý júrginshiler kópirinde án aıtyp otyrsa, buǵan eshqandaı shekteý joq. Men osy máseleni zerttep shyǵyp, osyǵan qatysty egjeı-tegjeıli jaýap bereıin. Sondyqtan qaı jerde qandaı oqıǵa bolǵany jaıynda naqty faktini qarastyrý kerek», - dedi Ákimshilik polıtsııa komıtetiniń basshysy.