Ákimdikterge jylý jelilerine tehnıkalyq tekserý júrgizý jumystaryn jedeldetý kerek - mınıstrlik

ASTANA. QazAqparat – Ákimdikterge jylý jelilerine tehnıkalyq tekserý júrgizý jumystryn jedeldetý kerek.

Bul týraly Memleket basshysynyń tapsyrmasyn oryndaý aıasynda QR Indýstrııa jáne ınfraqurylymdyq damý mınıstri Marat Qarabaevtyń tóraǵalyǵymen ótken jylýmen jabdyqtaý jobalaryn iske asyrý, aldaǵy jylytý maýsymyna daıyndyq máseleleri boıynsha keńes barysynda aıtyldy, dep habarlaıdy QazAqparat.

Keńeske QR IIDM Qurylys jáne turǵyn úı-kommýnaldyq sharýashylyq isteri komıtetiniń jáne barlyq oblys ákimdikteriniń basshylyǵy qatysty.

Kezdesýi barysynda Qurylys jáne turǵyn úı-kommýnaldyq sharýashylyq isteri komıtetiniń tóraǵasy Tımýr Qaraǵoıshın baıandama jasady.

Onyń aıtýynsha, búgingi tańda respýblıka boıynsha shamamen 14 myń km. jylýmen jabdyqtaý jelileri bar, olardyń ortasha tozýy 54% quraıdy.

Memleket basshysynyń saılaýaldy baǵdarlamasyna sáıkes 2030 jylǵa qaraı jylý jelileriniń tozýyn 43% - ǵa deıin tómendetý mindeti tur.

Kommýnaldyq jelilerdi jańǵyrtý maqsatynda mınıstrlik qarjylandyrýdyń úsh tetigin iske asyrýda:

- nysanaly transfertter,

- bıýdjettik kredıt,

- shyǵyndardy 50 (elý) % - ǵa deıin sýbsıdııalaý.

Jylý jelilerin qarjylandyrý úshin bıylǵy jyl basynda respýblıkalyq bıýdjetten nysanaly transfertter bólý jónindegi bıýdjettik baǵdarlama ashyldy.

Bul rette jumystar qarjylandyrý arqyly jalǵastyrylatyn bolady.

merzimi 0,01% bıýdjettik kredıtteý tetigi

20 jyl jáne sýbsıdııalaý tetigi (50% - MQU; 50% - RB jobasynyń jalpy qunynan).

Budan basqa, Ulttyq ekonomıka mınıstrligi iske asyratyn «tarıfti ınvestıtsııaǵa aıyrbastaý» tetigi kommýnaldyq salaǵa qosymsha ınvestıtsııalar tartýǵa múmkindik beredi, tozǵan jeliler men jabdyqtardy qalpyna keltirýdi yntalandyrady.

Aldaǵy jylytý maýsymyna ýaqytyly daıyndyq maqsatynda mınıstrlik tarapynan ákimdikterge kelesideı tapsyrma berildi :

- 2023 jylǵy 1 qyrkúıegine deıin bilim berý obektileriniń jylytý maýsymyna daıyndyǵyn qamtamasyz etý;

- barlyq ınjenerlik ınfraqurylymnyń, turǵyn úı-kommýnaldyq sharýashylyq, turǵyn úı qory jáne densaýlyq saqtaý obektileriniń ortalyq, soltústik, shyǵys óńirlerde jáne Astanada bıylǵy 15 qyrkúıekke deıin, al qalǵan óńirlerde 15 qazanǵa deıin tolyq daıyndyǵyn qamtamasyz etý;

- kestede belgilengen merzimde ınjenerlik jeliler men tirshilikti qamtamasyz etý obektilerinde barlyq jóndeý jumystarynyń oryndalýyn baqylaýdy qamtamasyz etý;

- avtonomdy qazandyqtar úshin otyndy ýaqytyly daıyndaý jáne bar debıtorlyq bereshekti óteý boıynsha sharalar qabyldaý;

- aldaǵy jylytý maýsymyna daıyndyq josparlaryn qaıta qaraý jáne bekitý.