Ákimdikter úshin memlekettik satyp alýdy júzege asyrýdyń jekelegen qaǵıdalary ázirlenbek
«Bıýdjettiń 4-shi deńgeıi úshin memlekettik satyp alýdy ótkizý tártibin ońaılatý maqsatynda Memleket basshysynyń 2022 jylǵy 16 naýryzdaǵy halyqqa Joldaýyn oryndaý úshin «Qazaqstan Respýblıkasyndaǵy jergilikti ózin-ózi basqarý týraly» Qazaqstan Respýblıkasynyń Zańy jobasynyń sheńberinde «Memlekettik satyp alý týraly» Qazaqstan Respýblıkasynyń Zańyna jergilikti ózin-ózi basqarý (budan ári – JÓB) úshin memlekettik satyp alýdy júzege asyrý erekshelikterin engizý bóliginde túzetýler ázirlendi», - dedi Úkimet basshysy jaýabynda.
Premer-Mınıstrdiń atap ótýinshe, osy zań jobasynyń aıasynda memlekettik satyp alýdy ıkemdi retteýdi qamtamasyz etý úshin JÓB organdaryna memlekettik satyp alýdy júzege asyrýdyń jekelegen qaǵıdalaryn ázirleý usynylady. Qaǵıdalarda JÓB úshin memlekettik satyp alýdy júzege asyrýdyń mynadaı eki tásilin kózdeý josparlanýda:
– JÓB ókildi organymen mindetti túrde kelise otyryp, 4 000 AEK deıin baǵa usynystaryn suratý (ótkizý merzimi kúntizbelik 7 kún);
– konkýrs 4 000 AEK-ten bastalady (kúntizbelik 25 kún).
«Osylaısha, JÓB deńgeıinde satyp alý tártibin ońaılatýǵa memlekettik satyp alýdy ótkizý merzimderi men tásilderin qysqartý esebinen qol jetkiziletin bolady», - dedi Álıhan Smaıylov.