Ákimdikter tyńaıtqysh sýbsıdııasyna 27 mlrd teńge bóledi - AShM

NUR-SULTAN. QazAqparat – Egis alqabyn óńdegý qajet sýbsıdıaı alý úshin dıqandarǵa 29,7 mlrd teńge bólinip otyr. QR Aýyl sharýashylyǵy birinshi vıtse-mınıstri Aıdarbek Saparovtyń aıtýynsha, bul búlki egis alańyn qamtýǵa jetkilikti, dep habarlaıdy QazAqparat tilshisi.

«Oblys ákimdikteriniń derekteri boıynsha, bıyl shamamen 659 myń tonna mıneraldy tyńaıtqysh sebý josparlanǵan. Bul ótken jylǵydan 32,2 myń tonna artyq. Búgingi tańda 226 myń tonna tyńaıtqysh jetkizý týraly kelisim-shart jasaldy.

Іs júzinde barlyq óńirlerde mıneraldy tyńaıtqyshtardy jóneltý bastaldy. Agrarshylarǵa shamamen 56 myń tonna tyńaıtqysh jóneltildi. Onyń ishinde ońtústik óńirlerdiń úlesi – 16,9 myń tonna. Qoımaaǵy qor negizinen ımporttyq tyńaıtqyshtar esebinen qalyptasty», - dedi Aıdarbek Saparov Úkimet otyrysynda.

Sondaı-aq ol aımaqtarǵa daqyldardyń ónimdiligin arttyrý úshin tyńaıtqyshtardy qoldanýdyń mańyzdylyǵyna nazar aýdarýdy usyndy.

«Ásirese olardyń qunynyń óskenin eskere otyryp, fermerlerdi tyńaıtqyshtarmen ýaqtyly jáne tolyq qamtamasyz etý qajet. Ákimdikter tarapynan sýbsıdııalaýǵa 27 mlrd teńge qarastyrylǵan. Olardy barynsha tıimdi paıdalaný kerek.

Pestıtsıdterge keletin bolsaq, olardyń baǵasy da ósti. 2020 jylmen salystyrǵanda pestıtsıdterdiń baǵasy eki ese ósti. Byltyr kóktemde baǵanyń ósýi 70% bolsa, kúzde baǵalar 2 ese ósti.

2022 jylǵa arnalǵan pestıtsıdterdi sýbsıdııalaý baǵdarlamasyna 29,7 mlrd teńge kózdelgen. Bul egis alańyn 100% óńdeýge múmkindik beredi», - dedi vıtse-mınıstr.