Ákimdikter shekti baǵa belgileý quralyn paıdalanbaı otyr – Baqyt Sultanov

NUR-SULTAN. QazAqparat – QR Saýda jáne ıntegratsııa mınıstri Baqyt Sultanov óńirlerde shekti baǵa belgileý quralyn qoldanbaǵan ákimdikterdi synady, dep habarlaıdy QazAqparat tilshisi.

«Shekti baǵalardy belgileý jáne olardyń negizinde shekti baǵalardy qoldaný ádistemesi zańnamada bekitilgen. Óńirlerde bólshek saýda baǵalarynyń shekten asýy boıynsha 66 fakt tirkeldi. Qyzylorda oblysy men Almaty qalasynyń ákimdikterin qospaǵanda, óńirler shekti baǵalardy belgileý quralyn paıdalanǵan joq», - dedi Baqyt Sultanov Úkimettiń búgingi otyrysynda.

Ótken jyly baǵany turaqtandyrý sharalaryn qabyldamaǵany úshin jeti oblys ákiminiń orynbasarlaryna sógis jarııalanǵan.

«Alaıda odan nátıje bolmady. Máselen, ótken jyly Aqtóbe oblysynda shekti mánderdiń asyp túsýiniń 5 faktisi tirkeldi, bıyl da atalǵan kórsetkish ózgermegen. Pavlodar jáne Túrkistan oblystarynda shekti baǵanyń asyp túsý oqıǵalarynyń kóbeıgenine qaramastan, ákimdikter shekti baǵa engizýdi elemeı otyr», - deıdi Saýda mınıstri.