Ákimdikter halyqqa beriletin jer ýchaskeleriniń sanyn qalaı kóbeıtip otyr

ASTANA. QazAqparat - Qurylys jáne turǵyn úı-kommýnaldyq sharýashylyq isteri komıtetiniń tóraǵasy Marxabat Jaıymbetov jergilikti bıliktiń xalyqqa taratylǵan jer ýchaskeleriniń sanyn qalaısha kóbeıtip otyrǵanyn aıtyp berdi, dep xabarlaıdy QazAqparat tilshisi.

Onyń málimetine sáıkes, qazirgi kezde Respýblıka boıynsha jer kezeginde turǵan azamattardyń sany 1,3 mln-ǵa jetken. Byltyr eń kóp jer telimi eki oblysta berilgen. Mańǵystaý oblysynda - 15 myń, al Aqtóbe oblysynda 11 myń jer telimi taratyldy. Komıtet tóraǵasynyń sózine qaraǵanda, jergilikti bılik beriletin ýchaske kólemin kishireıtý arqyly ýchaskeler sanyn kóbeıtip otyr.

«Endi, bulardyń kóbisi ózderi (ınjenerlik jelilerdi - avt.) jer ýchaskelerine tartady. Bireý «8 sotyqtan beremin» deıdi, bireýi «10 sotyqtan beremin» deıdi. Sóıtip, keıbireýleri kóbeıtkisi keledi. Zań boıynsha 10 sotyq berilýi kerek. Alaıda 10 sotyǵyn alǵan azamattardyń ózi úıin salmaıdy, «páter alamyn» deıdi. Bizde sondaı másele de bar», - dedi M.Jaıymbetov QazAqparat tilshisine bergen suxbatynda.

Aıta keteıik, Qazaqstanda jyl saıyn xalyqqa 40 myń jer telimin taratý josparlanyp otyr. Alaıda jergilikti jerde ınjenerlik jelilerdi tartý jumysy baıaý júrgiziledi.