Ákimdik mektepter qurylysyn qatań baqylaýy qajet - Senat depýtaty

AQTAÝ. QazAqparat – Jergilikti ákimdik pen tıisti memlekettik organdar mektepter qurylysyn qatań baqylaýy qajet. Bul týraly Mańǵystaý oblysy Munaıly aýdanynda salynyp jatqan mekteptiń qurylysymen tanysqan Senat depýtaty Serikbaı Trumov aıtty, dep habarlaıdy QazAqparat Palatanyń baspasóz qyzmetine silteme jasap.

Parlament Senatynyń depýtattary Serikbaı Trumov pen Súıindik Aldashev Munaıly aýdanynda boldy. Mańǵystaý aýylyn elektr qýatymen qamtamasyz etý jumysynyń barysymen, sondaı-aq Qyzyltóbe aýyldyq okrýginde júrip jatqan gaz qubyry jáne 1200 oryndyq mektep qurylysymen tanysty.

Memlekettik mektep qurylysynyń salynýy úsh aýysymdyq oqytý máselesin jeńildetýge kómektesedi. Qurylys jospar boıynsha 2024 jyly aıaqtalýy tıis.

«Jaıly mektep» jobasy ázirlendi. Bul joba mektepterdiń jetispeýshiligin tolyǵymen sheshýi kerek. Qurylys merzimi jáne jumystyń joǵary sapasy saqtalýy tıis. Osyǵan baılanysty, jergilikti ákimdik pen tıisti memlekettik organdar tarapynan osy mekteptiń qurylysy barysyna qatań baqylaýdy qamtamasyz etýdiń erekshe mańyzy bar», - dep atap ótti Serikbaı Trumov.

Senatorlar «Mańǵystaý atom enegetıkalyq kombınaty» men «Kaspıı» sý tuşytý zaýytynyń jumysymen de tanysty.