Ákimdik elordadaǵy ardagerlerge tosynsyı jasady

NUR-SULTAN. QazAqparat – Elorda ákimdigi men Nur-Sultan qalasynyń Memlekettik akademııalyq fılarmonııa soǵys ardagerlerine mýzykalyq tosynsyı jasady. Osy oraıda mýzykanttar ardagerler turyp jatqan úılerdiń aýlasynda shaǵyn kontsert qoıdy, dep habarlaıdy QazAqparat tilshisi.

«Jyl saıyn ardagerlerdi quttyqtaýdy dástúrge aınaldyrdyq. Bıyl karantınge baılanysty qarttardy bir jerge jınaı almaǵandyqtan, ár ardagerdiń úıine kelip, jekeleı quttyqtaý sheshimin jasadyq», - dedi Memlekettik akademııalyq fılarmonııa ókili ıÝlııa Zaıchıkovskaıa.

Onyń sózine qaraǵanda, óner ujymy osyndaı formattaǵy quttyqtaýdy alǵash ret jasap otyr.

«Biz syǵys jyldaryndaǵy, áskerı ánderdi oryndap kelemiz. Qalada 44 soǵys ardageri bar, búgin olardyń 34-ine baramyz. Olardyń qalǵandary qazir úılerinde emes eken», - dedi ol.

Osyndaı tosyn syı ardagerler úshin kútpegen jaǵdaı boldy. Qarttar kóz jasyna erik berip, óner ujymyna alǵystaryn aıtyp jatty.

«Búgin maǵan osyndaı syılyq jasaǵandaryńyzǵa shyn júrekten alǵys aıtqym keledi. Bul Jeńis bizge úlken aýyrtpalyqpen keldi. Soǵystyń qıyndyqtary árbir otbasyny sharpydy. Biz osyny eńserip, jeńiske qol jetkizdik», - ardager Aleksandr Babıchev.

Sonymen qatar qart ardager Mıhaıl Kýlık de óziniń alǵysyn aıtty.

«Osyndaı merekelik kóńil kúı syılaǵandaryńyzǵa kóp raqmet! Bizge kóńil bólip, qoldap júrgenderińizge qýanyp otyrmyz», - dedi ol.