Ákimderdiń halyqqa esep berý tártibi jiti retteledi

NUR-SULTAN. QazAqparat – Ákimderdiń halyqqa esep berý tártibi jiti retteledi. Bul týraly QR Prezıdenti janyndaǵy Qazaqstannyń strategııalyq zertteýler ınstıtýty dırektorynyń orynbasary Sabına Sabıeva aıtty, dep habarlaıdy QazAqparat tilshisi.

«Búgin Prezıdenttiń jańa, mańyzdy Jarlyǵy jarııa etildi. Qujat ákimderdiń halyq aldynda esep berý tártibin jiti retteıdi. Osy rette Jarlyq mátinindegi mańyzdy eki máselege nazar aýdartqym keledi. Birinshiden, esep berý kezdesýin ótkizý protsedýrasy tyńǵylyqty reglamentteledi. Mundaı reglament óte mańyzdy. Ol atqarýshy bılik ishindegi baqylaýdy da, azamattyq baqylaýdy da kúsheıtedi. Ekinshiden, kezdesý mazmunyna qatysty naqty norma engiziledi», - dedi ol.

Osy rette spıker ákimderdiń halyqpen kezdesýi bir akterdiń qoıylymy sııaqty jasandy ótetini eshkimge jasyryn emestigin basa aıtty.

«Aldyn ala daıyndalǵan suraqtar ǵana qoıylatyn. Endi «suraq-jaýap» bólimine búkil kezdesýdiń tórten úsh bóligi beriletin bolady. Qujattaǵy kezdesýge daıyndyq bóligine qatysty jeri de kóńilimnen shyqty. Jarlyq kezdesý aldynda azamattardyń shaǵymdaryn, aryzdaryn, ótinishterin jınaýdy jáne saraptaýdy mindetteıdi. Al bul jaıt ákimge sóıleıtin sózin daıyndaýda septigin tıgizetin bolady», - dedi Sabına Sadıeva.

Aıta keteıik, búgin Memleket basshysy Qasym-Jomart Toqaevtyń ákimderdiń halyqpen kezdesýlerin ótkizý týraly Jarlyǵynyń tolyq mátini jarııalanǵan bolatyn.