Ákimderdi saılaý halyqqa tegeýrindik mandatyn beredi - Ǵalym Baıtuq

NUR-SULTAN. QazAqparat - Ákimderdi saılaý halyqqa tegeýirindik mandatyn beredi. Mundaı pikirdi saıasattanýshy Qazaqstan blogerleri alıansynyń prezıdenti Ǵalym Baıtuq bildirdi, dep habarlaıdy QazAqparat tilshisi.

«Halyqtyń saýalnama arqyly aýyldyq okýrgter men qalalardyń ákimderin aýystyra alatyndyǵy jaıynda aıtylǵany kóńilimnen shyqty. ıAǵnı, bul olarǵa qandaı da bir tegeýirindik mandatyn qaıtarady degen sóz. Eger ákim nashar jumys istese, onda halyqtyń 30 paıyzy Prezıdentke hat jaza alady jáne Memleket basshysy bul máseleni komıssııa qaraýyna shyǵaratyn bolady. Eger bul tetik júzege asyrylar bolsa, onda óte aqsy bolar edi», - dedi ol Memleket basshysy Qasym-Jomart Toqaevtyń Qazaqstan halqyna Joldaýyna oraı pikir bildire kele.

Sonymen qatar ol depýtattar úshin amanattyq mandatty qaıtarý da durys bolar edi degen oıyn bildirdi.

«Bir mandatty okrýg boıynsha saılaý bolsa... Bizdiń elimizdiń shynaıy jaǵdaıynda, ishki saıası jaǵdaıymyzda bir mandatty okrýg boıynsha saılaý bıliktiń ókilettik organdaryna táýelsiz oı-pikiri bar adamdardyń ótý múmkinshiligine jol ashar edi dep sanaımyn», - dedi Ǵ.Baıtuq.

Aıta keteıik, Memleket basshysy Qasym-Jomart Toqaev búgingi Joldaýynda ákimderdiń tıimdiligin halyqqa baǵalatý jobasyn engizýdi usynǵan bolatyn.