«Aýdandyq mańyzdaǵy qalalardyń, aýyldar men kentterdiń, aýyldyq okrýgterdiń ákimderin tikeleı saılaý jergilikti bıýdjetten qarjylandyrylady. Biraq Bıýdjet kodeksiniń jergilikti bıýdjettiń shyǵyndaryn mindetti óteý týraly normalaryn eskere otyryp, aldaǵy 2 jylda, ıaǵnı 2021-2022 jyldary saılaýlar Ortalyq saılaý komıssııasy arqyly qarjylandyrylady. Al 2023 jyldan bastap bul shyǵyndar jergilikti bıýdjet shyǵyndarynyń tizbesin qosylyp, jalpy sıpattaǵa transfertterdiń qataryna engiziledi», - dedi vıtse-mınıstr.
Mınıstrlik ókili saılaý shyǵyndarynyń kólemine toqtaldy.
«Ákimder saılaýyn ótkizýge shamamen 17,6 mln teńge qajet. Bıyl sonyń ishinde 4,8 mlrd teńge 800-den astam ákimdis saılaýǵa bólinip otyr», - dedi Álisher Ábdiqadyrov.
Eske salsaq, Prezıdent Qasym-Jomart Toqaev Ulttyq qoǵamdyq senim keńesiniń besinshi otyrysynda Saılaý týraly zańnamaǵa engiziletin barlyq ózgerister men tolyqtyrýlar pysyqtalyp jatqanyn málim etken bolatyn.