Ákimder reıtıngisine úkimettik emes uıymdarmen jumys sapasy da engizilmek

ASTANA. QazAqparat - Ákimder reıtıngisine úkimettik emes uıymdarmen jumys ta engizilýi kerek. Bul týraly búgin Ortalyq kommýnıkatsııalar qyzmetindegi brıfıngte Qazaqstannyń Azamattyq alıansynyń prezıdenti Nurlan Erimbetov málim etti.

«Men usynys jasadym jáne ol qabyldandy. Atap aıtqanda, qoǵamdyq uıymdarmen jumysty ákimder reıtıngisine engizý jóninde usynys jasaldy. ıAǵnı, bul turǵyda ákimderdiń reıtıngisi salynǵan joldarmen ǵana emes, sonymen birge ákimniń úkimettik emes uıymdarmen jumysy boıynsha da baǵalanýy tıis», - dedi N. Erimbetov.

N. Erimbetov 1,5-2 jyl buryn kóptegen ÚEU-lar bızneske teńestirilgendikten, olar jabylyp qalǵandyǵyn jetkizdi.

«Máselen, eger ÚEU memlekettik tapsyrysty jeńip alsa, ol nesıe alyp, aldyn ala tólem jasaýy tıis edi. Aýyldardaǵy, óńirlerdegi kóptegen ÚEU-lar jabylyp qaldy. Alaıda bizge Qarjy mınıstrliginde jáne Úkimette qoldaý jasap, atalǵan problemalardy joıdy. Búginde eger ÚEU jumys istep jatsa, olar birtindep aldyn ala tólemge qol jetkizedi», - dep túsindirip ótti sarapshy.