Ákimder azyq-túlik taýarlarynyń ishki naryqqa jetkizilimin qatań baqylaýy tıis - Úkimet
«Іshki naryqty otandyq azyq-túlikpen tolyqtyrýdy qamtamasyz etý qajet. Biz joǵary ımportqa táýeldilikti anyqtadyq. Máselen, 8 taýar táýekel tobyna kirdi. Olar boıynsha ımport úlesi 15 paıyzdan asady. Tájirıbe kórsetip otyrǵandaı, taýardyń 5-7 paıyz kólemindegi azdaǵan tapshylyǵy alypsatarlyqtyń sebebinen baǵanyń 1,5-2 ese ósýine ákelýi múmkin», - dedi ol.
Onyń atap ótýinshe, Saýda jáne ıntegratsııa mınıstrligi áleýmettik mańyzdy taýarlardy óndirýshilerdiń barlyq qaýymdastyqtarymen kezdesý ótkizdi. Kezdesýlerdiń qorytyndysy Qazaqstannyń barlyq azyq-túlik taýarlary boıynsha óndiristi ulǵaıtýǵa úlken áleýet bar ekenin kórsetti.
«Aýyl sharýashylyǵy mınıstrligi ákimdermen birlesip atalǵan taýarlardy óndirý kólemin ulǵaıtý boıynsha jumysty bastaýǵa tıis. Agroónerkásiptik keshenin damytý memlekettik baǵdarlamasynda aýyl sharýashylyǵy ónimderin óndirý kólemin ulǵaıtý úshin sýbsıdııa alýshylarǵa bıznestiń qarsy mindettemelerin belgileý tetigi kózdelgen. Osyǵan baılanysty, ákimder sýbsıdııalardy berý kezinde ishki naryqqa jetkizilimderge qatań baqylaýdy júzege asyrýy tıis», - dedi Baqyt Sultanov.