Ákim saılaýynda 100-den astam ózin-ózi usynǵan úmitker jeńiske jetken
Ulttyq qoǵamdyq senim keńesiniń múshesi saıası partııalarǵa keshegi saılaýǵa budan da belsendirek qatysýy kerek bolǵanyn aıtady.
«Saıası partııalardyń bul protseske qatysýy ákimderge qosymsha resýrstarǵa qol jetkizýge múmkindik berer edi. Partııanyń saıası, ákimshilik, tipti keı jerde medıa kómegin qosymsha resýrs retinde paıdalana alýshy edi. ıAǵnı, ákim óz okrýginde jalǵyz bolmaı, partııalar janyndaǵy taldaý ortalyqtarynyń ıntelektýaldyq qýatyn paıdalanyp, aýylda bıznesti damytyp, túrli máselelerdi sheshýdiń jan-jaqty joldaryn kórsete alatyn. Biraq «Aýyl» jáne «Nur Otan» partııalarynan basqasy osy múmkindikti jiberip aldy deýge bolady. Meniń túsinýimshe basqa partııalar asa bir belsendi qatysqan joq», - deıdi sarapshy.
Ulttyq keńes múshesi ákim saılaýynyń qorytyndylaryn burmalaǵysy keletinder bolsa da, bul óte qıynǵa túsetinin aıtady.
«Sońǵy aqparattar boıynsha ózin-ózi usynǵan 100-den astam úmitker ákim bolǵan. Jalpy kandıdattardyń 3/2-si ózin-ózi usynǵanyn bilesizder. Bul óte jaqsy kórsetkish. Bir jaǵynan, adamdar reformaǵa sengendikten belsendi atsalysyp otyr. Bir orynǵa shamamen 3 úmitkerden túsken. Ekinshi jaǵynan, qatysý deńgeıiniń joǵary bolýy halyqtyń daýys berý arqyly óz ómirlerin ózgertýge bolatynyna senetinin kórsetti. ıAǵnı bul demokratııanyń jaqsy mektebi. Bul eldi mekenderde saılaý qorytyndysyn burmalaýdyń ózi óte qıyn bolar edi. Óıtkeni bári bir-birin jaqsy tanıdy. Tipti keıbir shaǵyn okrýgterde halyq aýla-aýlaǵa kirip, kimniń kimge daýys bergenin Exit poll ótkizbeı-aq anyqtaýǵa bolady. Sáıkesinshe saılaý aıtarlyqtaı ádil, ashyq ótken protsess boldy», - deıdi Talǵat Qalıev.
Onyń atýynsha, bul saılaýdyń basty ereksheligi halyq saılanǵan ákimniń jumysynan naqty nátıjeni óte jyldam kóre alatynynda.
«Mysaly, Májilis depýtatyn saılaǵan kezde onyń bergen ýádesi zańǵa aınalyp, ol zań ómirge enip, ózgeris ákelgenshe biraz ýaqyt ótedi. Sondyqtan ol saılaýdyń nátıjesi men ózgeristerdiń baılanysyn qarapaıym halyqtyń kórýi óte qıyn. Al ákimdi saılaǵan kezde nátıjesi birden kórinedi. Mysaly saılanǵan ákim eki aıdyń ishinde aýylǵa sý tartqyzýy múmkin degen sııaqty. Al jarty jyldan keıin jol nemese mektep jóndele bastaýy múmkin», - degen sarapshy aýyl halqynyń saıası naýqandy aıtarlyqtyń yń-shyńsyz ótkizýi ondaǵy halyqtyń aýyzbirligi myqty bolǵanymen baılanystyrdy.
«Bálkim bul bizdiń mádenı ereksheligimiz shyǵar. Saılaý janjalsyz, aýyldaǵy halyq ózara aqyldasa otyryp sheshkendeı áser qaldyrdy. Qazaqtyń boıynda kezinde osyndaı erekshelik bolǵan. Bálkim sol qasıet qaıta oıanyp jatqan shyǵar», - dedi Talǵat Qalıev.