Ákim saılaýy: Mańǵystaý oblysynda 22 kandıdat ózin-ózi usyndy

AQTAÝ. QazAqparat – Mańǵystaý oblysynda aýyl ákimderine 34 kandıdat úmitker retinde tirkeldi. Bul týraly Qoǵamdyq kommýnıkatsııa ortalyǵynda ótken brıfıngide Mańǵystaý oblystyq saılaý komıssııasynyń tóraǵasy Asqar Rzahanov aıtty, dep habarlaıdy QazAqparat.

«Barlyǵy 39 kandıdat usynyldy, onyń 17-si saıası partııalar, 22-si ózin-ózi usyndy. 39 adamnyń ishinen óz erkimen jáne tıisti saıası partııanyń sheshimi boıynsha 3 kandıdat óz kandıdatýralaryn alyp tastady. Tirkelgen 36 úmitkerdiń ishinen eki kandıdattyń tirkeýi joıyldy», - dedi Asqar Rzahanov.

«Saılaý týraly» zańǵa sáıkes, tirkelgen kandıdattar saılaýaldy úgit júrgizýge quqyly, bul úshin oblystyq saılaý komıssııasy qarajat kólemin anyqtady. Oblystyq saılaý komıssııasynyń saıtynda komıssııaǵa BAQ ókilderinen tólem mólsheri, efırlik jáne baspa betterin berý sharttary men tártibi týraly joldanǵan aqparattar jarııalandy.

«Saılaý ótkiziletin okrýgterdiń basshylyǵy úmitkerlerge saılaýshylarmen kezdesýler ótkizýge jáne úgit-nasıhat jumystaryn júrgizýge yqpal etýge tıisti», - dedi A.Rzahanov.