Aqyly jolǵa qaryzy barlardyń kóligi tirkeýge alynbaýy múmkin

<p>ASTANA. KAZINFORM — Úkimet otyrysynda Kólik mınıstri Marat Qarabaev jol-kólik salasyndaǵy zańnamaǵa usynylyp otyrǵan negizgi jańashyldyqtardy atady.</p>

Onyń aıtýynsha, jol salasyndaǵy zańnamany jetildirý boıynsha da birqatar aýqymdy jumys atqarylyp jatyr. 

Atap aıtqanda:

• jol qozǵalysynyń qaýipsizdigi úshin kólik quralynyń ortasha qozǵalys jyldamdyǵy engizildi;
• aqyly joldar boıynsha bereshegi bar kólikterdi qaryzdy óndirip alý úshin tirkeýden bas tartý. 

Buǵan qosa, bereshegi bar sheteldik kólikterdi aıyppul turaǵyna qamaý men elden shyǵarmaý tetigi pysyqtalǵan: 

• aýyr júk kólikterine shamadan tys júk tıegeni úshin avtomattandyrylǵan júıe arqyly aıyppul salý máselesi sheshimin tapty;
• aqyly joldarmen júrý aqysyn ýaqtyly tólemegeni úshin aıyppuldy avtomattandyrý protsesi pysyqtalýda;
• jobalardy ýaqytyly bastaýdy qamtamasyz etý úshin karerlerdi rásimdeý tártibin jeńildetý qarastyrylyp jatyr. 

Mınıstr atalǵan ózgeristerdi jedel engizý eldegi joldardyń jaı-kúıin jaqsartyp, paıdalaný merzimin uzartatynyn aıtady.