Aqyly joldyń aqshasyn tólemegenderge avtomatty túrde aıyppul salynady

<p>ASTANA. KAZINFORM &ndash; Kólik mınıstri Marat Qarabaev Úkimet otyrysynan keıin ótken baspasóz máslıhatynda aqyly joldyń aqshasyn tólemegenderge avtomatty túrde aıyppul taǵaıyndaý qalaı iske asatynyn aıtty.</p>

«Jalpy júıe boıynsha bizdegi aqyly joldy paıdalanǵandarǵa birden tólemaqy keledi. ıAǵnı, shlagbaým qoıyp, sol jerde tólemaqy talap etip jatqan joqpyz. Tólemaqyny kólik ıesi eki aptanyń ishinde tólemegen jaǵdaıda avtomatty túrde aıyppuls alynady», - dedi mınıstr.

Bul tásil «Sergek» júıesiniń negizinde jumys istemek.

«Ákimshilik quqyq buzýdyń biryńǵaı tizbesi (ERAP – red.) deıtin júıe bar. Ol júıe «Sergek» sııaqty aıyppuldy avtomatty túrde jiberedi. Sol júıemen ıntegratsııa jasalǵan. Eki aptanyń ishinde tólem túspese, aıyppul keledi. Aıyppuldyń mólsheri Ákimshilik kodekste belgilengen – 5 aılyq eseptik kórsetkish nemese 18 myń teńge», - dedi Marat Qarabaev.