Aqyly joldardaǵy aılyq, jyldyq abonementterdiń baǵasy men ony alý joldary qandaı

<p>ASTANA. KAZINFORM &mdash; &laquo;QazAvtoJol&raquo; avtomobıl joldaryn basqarý jónindegi ulttyq operatory jol paıdalanýshylar úshin aqyly joldarmen júrýge aılyq jáne jyldyq abonementti rásimdeý qyzmetin usynady.</p>

Ol úshin kólik quraly aqyly joldardyń ýchaskesine qarasty aýdandarda tirkelý qajet (kólik quralynyń tirkelgen jeri QR ІІM derekter qorynan alynady) jáne jol aqysy úshin qaryzy bolmaýy tıis.

Abonementti alý úshin onlaın, klıenttermen jumys isteý ortalyǵyna nemese aqy tóleý pýnktine baryp ótinim berýge bolady.

Abonementterdiń quny:

1. Bir aılyq abonement (kúntizbelik 30 kún):

- Jeńil kólikter úshin – qarastyrylmaǵan;
- 16 orynǵa deıingi avtobýstar jáne júk kótergishtigi 2,5 t. deıin júk avtomobılderi úshin – 2 AEK (7384 teńge);
- 32 orynǵa deıingi avtobýstar jáne júk kótergishtigi 5,5 t. deıin júk avtomobılderi úshin – 4 AEK (14 768 teńge);
- 32 orynnan asatyn avtobýstar jáne júk kótergishtigi 10 t. deıin avtopoezdar úshin – 6 AEK (22 152 teńge);
- Júk kótergishtigi 10 t. joǵary jáne 15 t. deıingi júk avtomobılderi úshin – 8 AEK (29 536 teńge);
- Júk kótergishtigi 15 t. joǵary júk avtomobılderi, onyń ishinde tirkelgish jáne ershikti tartqyshtar úshin – 10 AEK (36 920 teńge).

2. Bir jyldyq abonement (kúntizbelik 365 kún):

- Jeńil kólikter úshin – 1 AEK (3692 teńge);
- 16 orynǵa deıingi avtobýstar jáne júk kótergishtigi 2,5 t. deıin júk avtomobılderi úshin – 20 AEK (73 840 teńge);
- 32 orynǵa deıingi avtobýstar jáne júk kótergishtigi 5,5 t. deıin júk avtomobılderi úshin – 40 AEK (147 680 teńge);
- 32 orynnan asatyn avtobýstar jáne júk kótergishtigi 10 t. deıin avtopoezdar úshin – 60 AEK (221 520 teńge);
- Júk kótergishtigi 10 t. joǵary jáne 15 t. deıingi júk avtomobılderi úshin – 80 AEK (295 360 teńge);
- Júk kótergishtigi 15 t. joǵary júk avtomobılderi, onyń ishinde tirkelgish jáne ershikti tartqyshtar úshin – 100 AEK (369 200 teńge).

Abonementti rásimdeý joldary:

1. 1403 baılanys ortalyǵy arqyly

- tańdaǵan abonementtiń qunyna sáıkes kólik quralynyń nómirine qarajat salyp, qyzmetti qosý úshin 1403 baılanys ortalyǵyna habarlasý kerek.

2. Kaztoll.kz saıty arqyly

- Kaztoll.kz saıtyna tirkelý;
- Kólik quralyńyz týraly derekterdi toltyrý;
- «Abonementti rásimdeý» bólimine ótip, ózińizge qajetti abonementtiń túrin tańdaý (aılyq, jyldyq).

3. Aqy tóleý pýnkteri (ATP) nemese klıettermen jumys isteý ortalyqtary arqyly (KJO)
- ATP nemese KJO operatorlaryna habarlasý
- Abonementti ózińizge yńǵaıly ádispen tóleý (karta, aqshalaı nemese ınternet-bankıng arqyly).

Abonementti rásimdeý arqyly aqshańyzdy jáne ýaqytyńyzdy únemdeısiz.