Aqyly termınalda jol apatynan júrgizýshi kóz jumdy

<p>QONAEV. KAZINFORM &mdash; Almaty oblysynda jol-kólik oqıǵasynan bir adam qaza tapty. Osy fakti boıynsha polıtsııa qylmystyq is qozǵady.</p>

Chevrolet Cobalt júrgizýshisi Almaty-Óskemen avtojolynyń 25-shaqyrymynda kele jatyp, rýldi basqara almaı, beton qorshaýǵa soǵylǵan.

Sodan keıin ınertsııa boıynsha aldynda turǵan Hyundai Sonata avtokóligimen soqtyǵysqan.

«Jol-kólik oqıǵasy saldarynan Chevrolet Cobalt júrgizýshisi sol jerde qaıtys boldy. Tergeý jalǵasyp jatyr», — deıdi Almaty oblysy polıtsııa departamenti bastyǵynyń orynbasary Eljan Chýpekov. 

Óńir polıtsııasy jol qozǵalysynyń barlyq qatysýshylaryn belgilengen jyldamdyq rejımin múltiksiz saqtaýǵa jáne jol erejesin buzbaýǵa shaqyrady.