Ákesimen janjaldasyp úıinen ketip qalǵan kókshetaýlyq jasóspirimge izdeý jarııalandy

KÓKShETAÝ. QazAqparat – Kókshetaýda úıinen ketip qalǵan jasóspirim izdestirilip jatyr, dep habarlaıdy QazAqparat tilshisi Aqmola oblystyq PD baspasóz qyzmetine silteme jasap.

Vedomstvonyń málimetinshe, 26 sáýirde Kókshetaý qalalyq polıtsııa bólimine Andreı Andreevıch Vereşenkonyń habar-osharsyz ketkendigi týraly habar túsken.

«Ákesiniń sózinshe, uly bir kún buryn úıinen ketip qalǵan. Jasóspirimniń úıinen ketýine ákesimen arada týyndaǵan janjal sebep bolǵan kórinedi. Qazirgi ýaqytta kámeletke tolmaǵan A. Vereşenkony izdeýge Kókshetaý qalalyq polıtsııa basqarmasynyń jeke quramy baǵdarlanǵan, eriktiler men qamqor azamattar belsendi kómek kórsetip jatyr», - dedi vedomstvodan.

Joǵalǵan balanyń boıy – 178 sm, shashy qara, kózderi sur, betinde sepkilder bar. Sonymen birge, ústine qoıý kók tústi fýtbolka, qoıý kók tústi shalbar kıgen.

Osy rette, tártip saqshylary joǵalǵan balanyń ornalasqan jerin biletin adamdar bolsa, dereý Kókshetaý qalasy, Sátpaev kóshesi, 1 «a» nemese 8 (7162) 25 78 05, 8 707 119 87 19 telefondary boıynsha polıtsııa basqarmasyna habarlaýdy suraıdy.

Aıta ketsek, budan buryn Kókshetaýda joǵalǵan jasóspirim astanadan tabylǵanyn jazǵan edik.