Ákesi ruqsat bergen: rýlge otyrǵan 13 jasar aqmolalyq jol apatyna tústi

<p>Aqmola oblysynda kólik basqarǵan 13 jasar jasóspirim jol apatyn jasap, eki adam aýrýhanaǵa jetkizildi, dep habarlaıdy <a href="Kazinform" target="_blank" rel="noopener">Kazinform</a>.</p>

Aqmola oblysy PD baspasóz qyzmetiniń málimetinshe, jol apaty Zerendi aýdany aýmaǵynda «Kókshetaý-Omby» avtojolynyń 24 shaqyrymynda bolǵan.

Anyqtalǵandaı, «Volkswagen Passat» avtokóliginiń rýline otyrǵan Qyzyltan aýylynyń 13 jastaǵy turǵyny joldyń burylar tusynda Kókshetaý qalasynan Aımaq aýyly baǵytynda júrip kele jatqan «Lada Priora» jol bermegen. Saldarynan eki kólik soqtyǵysyp, jasóspirim «tobyq tusynyń soqysy, mı shaıqalý» dıganozymen aýrýhanaǵa jetikizldi. Sonymen birge, oń qolynan soqqy alǵan «Lada Priora» kóliginiń júrgizýshisi de dárigerlerdiń kómegine júgindi. Jasóspirimniń qasynda 44 jastaǵy ákesi birge bolǵan.

- Osy oqıǵaǵa baılanysty Ákimshilik quqyqbuzýshylyq kodeksiniń 412-baby (qujattary jáne basqarý quqyǵy joq adamnyń kólik quralyn basqarýy) boıynsha ákimshilik hattama toltyryldy, - dedi vedomstvodan.

Aıta ketsek, budan buryn Aqmola oblysynda egin oraǵy kezinde kombaınshy qaza tapqanyn jazǵan edik.