«Anamdy aıaýsyz uryp tastady»: mańǵystaýlyq turǵyn ákesin jazaǵa tartýdy suraıdy

<p>AQTAÝ. KAZINFORM &ndash; Munaıly aýdanynyń turǵyny oqıǵany baıandap, <a href="https://www.instagram.com/p/C7r9ZioMUPK/?utm_source=ig_embed&amp;ig_rid=2302033f-e0e0-4849-be94-cecaa0b59893&amp;img_index=1" target="_blank" rel="noopener">áleýmettik jelige</a> shyǵarǵan.&nbsp;</p>

Onyń aıtýynsha, ákesi ishimdik iship alyp, anasyn aıaýsyz urǵan. Al polıtsııa bolsa, ony 2 saǵattan keıin bosatyp jibergen.

«Ákem iship alyp, anamdy tún ortasynda qýyp júrip, sabaǵan. Múgedek qylýǵa deıin apardy. Polıtsııaǵa berip jiberse, qamamaı bosatyp jiberip otyr. Úıge kelip dym bilmegen adam sııaqty júr. Osy jaǵdaıdy estip Almatydan ushyp keldim. Polıtsııaǵa kirip shyqtym. Olar «adamdy qansha qatty ursa, jazasy aýyr. Qansha jáı ursa, jazasy da jeńil bolady, - dep meni shyǵaryp saldy», - deıdi shaǵymdanýshy.

Turǵyn anasynyń quqyǵynyń qorǵalýyn talap etip, ákesin jazalaýdy surady. Osy oqıǵaǵa qatysty Mańǵystaý oblystyq Polıtsııa departamenti jaýap berdi.

«Kináli tulǵa otbasy-turmystyq qatynastar aıasyndaǵy quqyqqa qarsy áreketter jáne tynyshtyqty buzý derekteri boıynsha ákimshilik jaýapkershilikke tartyldy. Sot-medıtsınalyq saraptama taǵaıyndaldy», - deıdi Polıtsııa departamentiniń baspasóz hatshysy Áıgerim Ibatýllaeva.

Polıtsııa ókiliniń aıtýynsha, saraptama qorytyndysy sotqa joldanady. Kúdikti sottyń sheshimimen ǵana jaýapqa tartylady. Al ázirge áıeline jaqyndamaý týraly eskertý berilgen.