Áke retinde ár balanyń bolashaǵyna alańdaımyn - Rýstam Kaıryev

ALMATY. QazAqparat- Bizdi saıası, ekonomıkalyq, áleýmettik salalardaǵy qýatty qaıta jańǵyrýlar kútip tur. Mundaı pikiridi Qazaqstannyń uıǵyr jastary odaǵynyń tóraǵasy, Qazaqstan halqy Assambleıasynyń múshesi Rýstam Kaıryev aıtty, dep habarlaıdy QazAqparat tilshisi.

Almatylyq sarapshylar Óńirlik kommýnıkatsııalar qyzmetiniń alańynda Qasym-Jomart Toqaevtyń «Ádiletti Memleket. Birtutas Ult. Berekeli Qoǵam» Joldaýyn talqylady.

Qazaqstan halqy Assambleıasynyń múshesi Rýstam Kaıryev «Balalarǵa arnalǵan Ulttyq qor» baǵdarlamasyna toqtaldy.

«Áke retinde men eń aldymen ár balanyń bolashaǵyna alańdaımyn. «Balalarǵa arnalǵan Ulttyq qor» baǵdarlamasy – bolashaq urpaq úshin naǵyz qamqorlyq. Bul - Ulttyq qordyń halyqqa jasap jatqan shynaıy qyzmeti. Kámelettik jasqa jetkende balalar men olardyń ata-analary kóptegen máselelermen betpe-bet keledi: oqý, baspana, bul jınaqtar naqty qoldaý kórsetedi», - deıdi spıker.

Sonymen qatar, ol esirtkimen kúres jáne aldyn alý ózekti máselelerdiń biri ekenin atap ótti.

«Ásirese, sıntetıkalyq esirtki máselesi ótkir tur. Kúres shyn máninde ulttyq sıpatta bolýy kerek, óıtkeni, ádette, jastar dılerlerdiń yqpalyna túsedi. Biz, volonterlar, joǵary synyp oqýshylary arasynda úgit-nasıhat jumystaryn júrgizemiz, sıntetıkalyq esirtkiniń zııany týraly aıtamyz. Qabyrǵalardaǵy betbelgiler men jarnamalarmen de sátti kúresip jatyrmyz, olardy ózimiz boıaımyz», - dedi Rýstam Qaıryev.

Almaty qalasy máslıhatynyń depýtaty Sana Jandaı óz sózinde keshe Qazaqstan Respýblıkasynyń Prezıdenti ekonomıka, densaýlyq saqtaý, bilim berý, saıasat, eńbek naryǵy jáne saıası modernızatsııa týraly aıtqanyn tilge tıek etti.

«1 qyrkúıektegi aıtýly málimdemeleriniń biri áıelderdiń zeınetke shyǵý jasyn 2028 jylǵa deıin 61 jas dep belgileý boldy. Osylaısha kóptegen qazaq áıelderiniń keń áleýmettik suranysy jabylady. Meniń oıymsha, bul qazaqstandyq áıelder úshin jaqsy jańalyqtardyń biri boldy. Qandaı da bir ymyraǵa kelý usynyldy», - dedi Sana Jandaı.