«Aqbóken»: Zańsyz ań aýlaýdyń 109 faktisi tirkeldi
«1 jeltoqsannan bastap elimizdiń aýmaǵynda «Aqbóken« respýblıkalyq jedel aldyn alý is-sharasy ótkizilýde. Onyń negizgi maqsaty - tabıǵat qorǵaý zańnamasyn buzýshylyqtardy jáne bıologııalyq resýrstar obektileri men ónimderiniń zańsyz aınalymyn anyqtaý, ekologııalyq qylmystyq quqyq buzýshylyqtardy ashý. Kıikterdi brakonerlik jolmen aýlap, olardyń ónimderin jáne janýarlardyń basqa da túrlerin ótkizýmen, satyp alýmen aınalysatyn uıymdasqan qylmystyq toptardyń qyzmetiniń jolyn kesýge erekshe nazar aýdarylady», - dedi Nurdildá Oraz Іshki ister mınıstrliginiń baspasóz qyzmeti
Onyń atap ótýinshe, polıtsııa jáne Ekologııa mınıstrliginiń aýmaqtyq bólimsheleri men tabıǵatty qorǵaý organdarynyń qyzmetkerlerinen 203 jedel top quryldy. Operatsııa barysynda ańshylyq sharýashylyqtary, ormandar men janýarlar dúnıesin qorǵaý jónindegi memlekettik mekemelerdiń aýmaqtary, sondaı-aq erekshe qorǵalatyn tabıǵı aýmaqtar tekseriledi.
«Operatsııanyń 10 kúninde 124 ekologııalyq zań buzýshylyq anyqtaldy. Onyń ishinde 109-y - zańsyz ań aýlaý, 21-i - múıizderdi zańsyz satyp alý nemese ótkizý, kıikterdiń ónimderin tasymaldaý, 7-eýi ańshylyq qarýdy alyp júrý jáne tasymaldaý erejelerin buzý boıynsha tirkeldi. Sondaı-aq 112 quqyq buzýshy ákimshilik jaýapkershilikke tartyldy», - dedi resmı ókil.