Aqaý shyqqan sý qubyry «Ekibastuz qalalyq sý arnasyna» tıesili

<p>&laquo;PAVLODAR. KAZINFORM &ndash; Maıqaıyń kenti men &laquo;Bogatyr-Kómir&raquo; AQ-na sý jetkizetin magıstraldi qubyr &laquo;Ekibastuz qalalyq sý arnasyna&raquo; tıesili. Al kent ishindegi sý qubyrlaryna &laquo;Maıqaıyńaltyn&raquo; AQ jaýap beredi.&nbsp;</p>

Altyn kenishin jaǵalaı ornalasqan Maıqaıyń kentinde ortalyqtandyrylǵan aýyzsýdy tutynatyn 2500 jeke abonent bar. 

Bul týraly «Maıqaıyńaltyn» AQ bas dırektory Qýanysh Botın habarlady.

– Maıqaıyń kenti boıynsha shamamen 2500-deı jeke tutynýshy bar. Al kent ishindegi sý qubyrlary bizdiń kásiporynǵa senimgerlik basqarýǵa berilgen. Ekibastuz sý arnasynan Maıqaıyńǵa deıin júrgizilgen úlken qubyry «Bogatyr-Kómir» kásipornyn basyp, odan soń Maıqaıyńǵa keledi. «Bogatyr-Kómir» kenishinen beri qaraı 30 km. Al aqaýdyń ózi «Bogatyr-Kómir» kenishiniń ar jaǵynda, sý arnasynan 27 shaqyrym jerde oryn alǵan, - deıdi A.Botın.

Belgili bolǵandaı, aqaý shyqqan dıametri 1020 mm-lik sý qubyry «Ekibastuz qalalyq sý arnasy» memlekettik kommýnaldyq kásipornyna tıesili.

Eske sala keteıik, Ekibastuzdan Maıqaıyń kentine aýyzsý jetkizetin úlken qubyr jaryldy.

Maıqaıyń kentiniń turǵyndary kúnine 1 myń tekshe metr aýyzsý tutynyp kelgen. Qazir qysymnyń tómendeýine baılanysty «Maıqaıyńaltyn» AQ sý tasıtyn mashınalardy jumyldyrdy.

Búginde Maıqaıyń kentinde 10 myńǵa jýyq halyq turady.

Qubyrdaǵy aqaýǵa baılanysty «Bogatyr-Kómir» kásipornyna sý berý ýaqytsha toqtatyldy .