Aqarys, Bekarys, Janarys atty úshem alǵash ret referendýmda daýys berdi

AQTAÝ. QazAqparat - Aqtaýlyq Aqarys, Bekarys, Janarys esimdi úshem respýblıkalyq referendýmda daýys berdi, dep habarlaıdy QazAqparat qoǵamdyq kommýnıkatsııa ortalyǵyna silteme jasap.

Qaladaǵy № 48 referendým ýchaskesinde daýys bergen bir úıdiń úsh arysy óz tańdaýyn jasady.

Sonymen qatar osy kúni Aqtaýda 5 000-ǵa jýyq sarbaz daýys berdi.

Teńiz jaıaý áskerı brıgadasynda ornalasqan № 61 saılaý ýchaskesi memlekettik ánuranmen esigin ashty.

Sap túzegen sarbazdar áskerı bólimniń mádenı demalys ortalyǵyndaǵy saılaý ýchaskesinde elimizdiń jarqyn bolashaǵy úshin daýys berdi.

Qatysýshylardyń basym bóligi alǵash ret daýys bergen. Sonyń biri - 6 aı buryn áskerge Almaty oblysynan shaqyrylǵan Nurdáýlet Nurlybekov.

- Búgin - erekshe kún. Sebebi, Qazaqstan Respýblıkasynyń azamaty retinde alǵash ret daýys berý quqyǵymdy paıdalanyp turmyn, - dedi qatardaǵy jaýynger Nurdáýlet Nurlybekov.

Áskerı bólimde referendým ótkizýge barlyq jaǵdaı jasalǵan. Saılaý jáshikteri men onǵa jýyq daýys berýge arnalǵan kabına bar.

- Osy kúni ár sarbaz Otanymyzdyń bolashaǵy úshin óz tańdaýymyzdy jasadyq, - dedi qatardaǵy jaýynger Arqat Rahysh.