Aqan Sataev ýkraınalyq rejısserdiń Elbasy týraly fılmine pikir bildirdi
«Meniń oıymsha, úlken jumys atqarylǵan. Óz basym bul fılmdi kórgenime qýanyshtymyn. Bizdiń halyqaralyq áriptesterimizdiń týyndysy óte tamasha shyqqan dep esepteımin. Bul komandanyń aty zatyna saı. Óıtkeni quramynda Olıver Stoýn sııaqty úlken kásibı sheber bar. Ol týyndyǵa sapa qosty dep aıtýǵa bolatyn shyǵar. Fılmniń bas keıipkeri - Elbasynyń tulǵasy da kórermendi ózine tartatyny anyq», - dedi Aqan Sataev.
Rejısser suhbat formatyndaǵy derekti fılmniń tehnıkalyq turǵyda minsiz túsirilýi eki saǵat boıy kórermendi ózine baılap ustaıtynyn erekshe atap ótti.
«Qoıylǵan suraqtar da, berilgen jaýaptar da shynaıy shyqqan. Sondaı bir ashyq áńgime shyqqan. Fılm arqyly berilgen jaýaptar Elbasynyń tulǵasyn odan ári aıqyndaı túsken. Onyń táýelsizdigimizdi qalyptastyrýdaǵy rólin biz áli tolyq túsine almaı júrmiz. Bul fılmdi árbir qazaqstandyq kórgenin qalaımyn. Sonda jańa tarıhymyzdy jan-jaqty túsiner edi. Eki saǵattyń ishinde búkil tarıhty berip shyǵý múmkin emes, Ásirese jas urpaq táýelsizdikti qalyptastyrý jolynda qandaı kúsh jumsalǵanyn uǵynsa, keleshegimiz úshin de jaqsy bolady», - dedi «Qazaqfılm» basshysy.