Akademııalyq derbestikti qoldaımyz – Saıasat Nurbek Nazarbaev ýnıversıteti týraly

NUR-SULTAN. QazAqparat – Mınıstr Saıasat Nurbek Nazarbaev ýnıversıtetin Ǵylym jáne joǵary bilim mınıstrliginiń quzyryna berý usynysy týraly pikir bildirdi, dep habarlaıdy QazAqparat tilshisi.

«Nazarbaev ýnıversıteti konstıtýtsııalyq zańmen retteletin avtonomdy oqý uıymy bolǵandyqtan, orny men mártebesi zańnamamen bekitilgen. Joǵary oqý oryndarynyń avtonomııasyn biz kúsheıtemiz. Sondyqtan, akademııalyq derbestik pen avtonomııanyń aıasynda bolyp jatqan úrdisti qoldaımyz», - dedi mınıstr.

Aıta keteıik, búgin mınıstr Saıasat Nurbek L. Gýmelev atyndaǵy Eýrazııa ulttyq ýnıversıtetinde joǵary oqý oryndaryna qujat qabyldaý naýqanynyń barysymen tanysty.

Sharadan keıin vedomstvo basshysy BAQ ókilderiniń suraqtaryna jaýap berip, bıyl memlekettik jáne ulttyq ýnıversıtetterde oqý aqysy byltyrǵy oqý jylynyń deńgeıinde qalatynyn aıtty.

«Ony bizdiń mınıstrlik baqylaýda ustaıtynyn naqty aıta alam. Birneshe jekemenshik ýnıversıtette baǵa kóterildi. Biraq, memlekettik ýnıversıetterde baǵany bıyl kótermeımiz, ıaǵnı byltyrǵy oqý jylyndaǵy deńgeımen qalady», - dedi Saıasat Nurbek.