Akademık Tóregeldi Sharmanov dúnıeden ótti

<p>ASTANA. KAZINFORM &ndash; Qazaqstan taǵamtaný akademııasynyń prezıdenti, álemdik densaýlyq saqtaýdyń ańyzy jáne qazaqstandyq medıtsınanyń maqtanyshy, akademık Tóregeldi Sharmanov 93 jasynda ómirden ozdy.&nbsp;</p>

«Áleýmettik-gýmanıtarlyq saladaǵy úzdik jetistikteri jáne densaýlyq saqtaý salasyn damytýǵa qosqan zor úlesi úshin marapattalǵan, Qazaqstan Respýblıkasynyń joǵary dárejeli «Eńbek eri» belgisiniń ıegeri, akademık Tóregeldi Sharmanov ómirden ótti», - dep habarlady S.D.Asfendııarov atyndaǵy Qazaq ulttyq medıtsına ýnıversıtetiniń baspasóz qyzmeti. 

Tóregeldi Sharmanuly Respýblıkanyń Densaýlyq saqtaý mınıstrligin 12 jyl basqaryp, alǵashqy medıtsınalyq-sanıtarlyq kómektiń teńdesi joq júıesin qurdy. 1974 jyldan bastap respýblıkadaǵy jetekshi ǵylymı uıymdardyń biri – Qazaq taǵamtaný akademııasynyń turaqty meńgerýshisi.

2005 jyly akademık Sharmanovqa Dúnıejúzilik densaýlyq saqtaý uıymynyń joǵary erekshelik dárejesi – Leon Bernard syılyǵy berildi, onyń ıegeri búkil álem tarıhynda nebári 29 adam bolǵan. Bul densaýlyq saqtaý salasyndaǵy Nobel syılyǵynyń bir túri sanalady. 

«Tóregeldi Sharmanuly Qazaqstannyń medıtsına qaýymy arasynda ǵana emes, zııaly qaýym, shyǵarmashyl jastar, kóptegen saıasatker, respýblıkanyń basqa da azamattary arasynda úlken bedelge ıe boldy. Akademık Sharmanov 93 jyl ishinde elge, álemge kóp eńbek sińirdi», - dep tolyqtyrdy QazUMÝ.