Akademık Sharmanov halyqqa «Táńir usynǵan sýsyndy» ishýge keńes berdi
Bul pikirdi «Baıtaq-Bolashaq» ekologııalyq alıansynyń janynan qurylǵan klýbtyń otyrysynda «Taǵamtaný» akademııasynyń prezıdenti Tóregeldi Sharmanov aıtty, dep habarlaıdy QazAqparat.
«Jýyrda Reseı ǵalymdary naryqtaǵy sary maı ónimderiniń 90 paıyzy sıyr sútinen jasalmaǵanyn málimdedi. Bul endi óte qaýipti málimdeme. Zaýytta jasalǵan sary maıdyń quramynda palma maıy, toksındik zattar bar. Sondyqtan, zaýytta jasalǵan sary maıdy satyp alý arqyly óz ómirińizge qaýip tóndiretinińizdi bilgen durys», - dedi T.Sharmanov.
Akademık óz baıandamasynda energetıkalyq sýsyndardyń da zııan ekenin atap ótti.
«Santehnıkter men avtokólik jóndeýshi mamandar tehnıkalyq quraldardy jýý úshin paıdalanatyn zııandy ónimdi halyqtyń qalaı tutynatyndary túsiniksiz. Quramyndaǵy qanttyń mólsheri shamadan tys, túrli boıaýlar, hımıkıattarǵa toly gazben jasalatyn energetıkalyq sýsyndardy aqsúıek adamdar ishpeıdi», - deıdi ol.
Onyń aıtýynsha, energetıkalyq sýsyndardy bıe sútimen almastyrǵan durys.
«Men kópshilikke bıe sútin ishýdi usynamyn. Bıe súti adam aǵzasynyń áleýetin joǵarylatady. Onyń quramynda aǵzaǵa zııandy ónimder joq. Bıe sútin «Táńir usynǵan sýsyn» dep aıtar edim», - dedi akademık.