Akademık, rektor bolmaǵanym durys ta shyǵar – Saıasat Nurbek
«Áleýmettik jelide sizge qatysty biraz synı pikir aıtylyp jatyr. Ózi birde-bir ǵylymı jumys jazbaǵan adam qalaı ǵylym salasyn basqarady degen pikir bar. Ózińizdi osy qyzmetti, osy laýazymdy atqarýǵa laıyqtymyn dep sanaısyz ba?», - dep suraq qoıdy tilshiler Úkimettiń kýlýarynda.
«Birinshiden, meniń birneshe monogarfııalarym bar, ǵylymı jýrnaldarda sońǵy 4-5 jylda jarııalanǵan maqalalarym bar. Olardy asa qatty jarnamalamaǵan edim, biraq endi belsendi jarııalaıtyn bolamyn. «Zertteýshiler» sál qazbalap kórýi kerek», - dep jaýap berdi Saıasat Nurbek.
Sonymen birge, Ǵylym mınıstri óziniń bul qyzmetke laıyqty, laıyqty emes ekenin saıası basshylyq baǵalaıtynyn aıtty.
«Ekinshiden, ıá, men akademık emespin, rektor da bolǵan joqpyn. Bir jaǵynan ol da durys shyǵar. Nege deseńiz, qazirgi mınıstrliktiń negizi maqsaty – júıeli túrde ǵylym men joǵary bilim salasyn jetildirý. Men el aǵalarymen tikeleı qyzmette bolǵan joqpyn, beıtarap, obektıvti túrde júıeli, ǵylymı jáne tehnıkalyq saıasatty engizýge jetkilikti quziretim men bilimim bar dep sanaımyn», - dedi Saıasat Nurbek.
Buǵan deıin Ǵylym mınıstri otbasynyń Kıprden oralyp, balalarynyń Qazaqstandaǵy qatardaǵy mektepke baratynyn aıtqan edi.
Sondaı-aq, búgin Úkimet otyrysynda Ǵylym jáne joǵary bilim mınıstri laýazymyna taǵaıyndalǵan Saıasat Nurbek saltanatty túrde ant berdi.
Sonymen birge, Saıasat Nurbek Ashat Aımaǵambetovtyń sapasyz bilim beretin joǵarǵy oqý oryndarynan tazalaý jumysy jalǵasatynyn aıtty.