Akademık Ǵalym Mutanov Úndistanda halyqaralyq syılyqqa ıe boldy
«Bul týraly Noıda qalasyndaǵy Amıtı ýnıversıtetinde ótken «Ózgeriske shaqyrý: tehnologııalyq qoǵamdardaǵy bıznesti basqarý strategııasy» INBUSH ERA-2020 Búkilálemdik sammıtinde aıtyldy»,-delingen ýnıversıtet saıtynda.
100-den astam el ókilderiniń basyn qosqan sammıtte nátıjeler shyǵarylyp, túrli nomınatsııalar boıynsha halyqaralyq syılyqtardyń ıegerleri anyqtaldy. Qazaqstandyq ǵalym jáne eldegi jetekshi ýnıversıtettiń basshysy «Amity Global Academic Excellence Awards» marapatyna ıe boldy.
«Akademık Ǵalym Mutanov áıgili ǵalym, túrli halyqaralyq jobalardyń bastamashysy jáne jetekshisi, joǵary mekteptiń tanylǵan kásipqoı mamany. Bul marapat álemdik ǵylymı jáne bilim berý keńistiginde ál-Farabı atyndaǵy Qazaq ulttyq ýnıversıtetiniń alǵa jyljýyna yqpal etetin onyń ǵylymı eńbegi men kóshbasshylyq qasıetteriniń joǵary baǵalanýy», - dedi sammıtte sóılegen Amıtı ýnıversıtetteri jelisiniń vıtse-kantsleri Gýrınder Sıngh.