«Aq jol» partııasynyń tóraǵasy saıası uıymdy qoldaǵandarǵa alǵys bildirdi

NUR-SULTAN. QazAqparat - «Aq jol» demokratııalyq partııasynyń tóraǵasy Azat Perýashev Qazaqstan halqyn sátti ótken saılaýmen quttyqtady, dep habarlaıdy QazAqparat «Habar 24»-ke silteme jasap.

«Aq jol» partııasynyń tóraǵasy saıası uıymdy qoldaǵan otandastaryna alǵys bildirdi. Onyń aıtýynsha, bıylǵy naýqan qaýipti indetpen tuspa-tus keldi. Soǵan qaramastan barlyq sanıtarlyq talapy saqtaı otyryp, saılaý uıymdastyryldy. Bul tájirıbe endi aldaǵy ýaqytta kádege jarap, elimizdiń damýyna septigin tıgizedi dep senim bildirdi partııa tóraǵasy.

«Menińshe, bizdiń partııalarymyz, bizdiń saılaýshylarymyz ózderi úshin óte jaqsy tájirıbe jınady. Ol tájirıbe ary qaraı da elimizdiń damýyna, elimizdiń demokratııalandyrýyna óte paıdaly, ózekti bolady dep oılaımyn. Soǵan senimdimiz jáne de men barsha «Aq jol» partııasyna daýys bergenderge alǵys bildirgim keledi. Biz partııamyzǵa kórsetken senimdi aqtaýǵa tyrysamyz», - dedi Azat Perýashev.