«Aq jol» partııasynyń ókilderi Kókshetaýǵa bardy

KÓKShETAÝ. QazAqparat - Búgin «Aq jol» partııasynyń úgit-nasıhat toby Kókshetaý qalasyna bardy, dep habarlaıdy QazAqparat.

Partııa belsendileri óńirdegi jetekshi kásiporyndardyń biri «Favorıt motors» jaýapkershiligi shekteýli seriktestiginde bolyp, osy óndiristiń jumysshylarymen kezdesti. Aqjoldyqtar munda kásiporynǵa qarasty kólik salonynyń, kólik jýý tsehynyń, akkýmýlıator ortalyǵyn qyzmetimen tanysty.

Óndiris negizinen otandyq ónimdi saýdaǵa shyǵarýdy basymdyqqa alyp otyr. Munda 60 adam turaqty jumyspen qamtylǵan. Jumysshylar eki kezeńmen jumys jasaıdy. Munda kúnige kem degende 300 kólikke qyzmet kórsetiledi.

Partııa músheleri ózderiniń saılaýaldy baǵdarlamasy jóninde túsindirdi jáne óndiris jumysshylarynyń problemalaryn, ótinishterin tyńdady. Pandemııanyń saldaryna qaramastan bul óndiris jumysshylarynyń sanyn qysqartqan joq. Biraq qyzmet kórsetý aıasy taryla túsken jáne tapsyrystar burynǵydaı kóp emes.

Búgin úmitkerler «Alýa-Stroı» seriktestiginiń jumysshylarymen de kezdesti jáne seriktestikke qarasty qurylys alańdarynyń birin aralap kórdi.