Aq jol partııasynyń Májilistegi depýtattary anyqtaldy

ASTANA. QazAqparat - Búgin «Aq jol» demokratııalyq partııasynyń Ulttyq keńesiniń plenýmy ótti. Onda Parlament Májilisiniń segizinshi shaqyrylymyndaǵy depýtattardy saılaý qorytyndylary talqylanyp, depýtattyq mandattar bólindi, dep habarlaıdy QazAqparat.

Plenýmnyń biraýyzdan sheshim shyǵarýymen Májilistiń depýtattyq mandattary kelesi kandıdattarǵa senip tapsyryldy:

Barlybaev Erlan Haılanuly - ekonomıst, Parlament Májilisiniń VII shaqyrylym depýtaty;

Beısenbaev Erjan Almabekuly – jas bıznesmen, «BIGLIFE» JShS táýelsiz dırektory, Jetisý oblysy;

Espaeva Danııa Mádıqyzy - qarjyger, Parlamenti Májilisiniń VII shaqyrylym depýtaty;

Isa Qazybek Jarylqasynuly – aqyn, partııa tóraǵasynyń orynbasary, Parlament Májilisiniń VII shaqyrylym depýtaty;

Perýashev Azat Turlybekuly – partııa tóraǵasy;

Sadyqov Asqar Amanbaıuly – bıznesmen, partııanyń oblystyq fılıal tóraǵasy, Aqtóbe oblysy.

Eske sala keteıik, 27 naýryzda Ortalyq saılaý komıssııasy máslıhattar men Parlament Májilisiniń kezekti saılaýynyń qorytyndysyn shyǵardy. Saılaý qorytyndysy boıynsha «Aq jol» Májiliste 6 depýtattyq mandat aldy.