«Aq jol» partııasy saılaýǵa qatysatynyn málimdedi
***
2020 jylǵy 21 qazanda Qazaqstan Respýblıkasynyń Prezıdenti Q.K Toqaev máslıhattar men Májilis depýtattarynyń saılaýyn taǵaıyndaý týraly Jarlyqqa qol qoıǵany belgili.
«Aq jol» demokratııalyq partııasy bul sheshimdi quptaıdy jáne qoldaıdy.
«Aq jol» QDP máslıhattar men Májilis depýtattaryn saılaý konstıtýtsııalyq merzimde ótetinin, saıası partııalardan kandıdattardyń partııalyq tizimderi boıynsha «Qazaqstan Respýblıkasyndaǵy saılaý týraly» Qazaqstan Respýblıkasynyń Zańyna engizilgen jańa túzetýlerge sáıkes tizimderge áıelder men jastardy engizý jónindegi kvotanyń 30% - yn saqtaı otyryp qalyptastyrylatynyn atap ótedi.
Máslıhattar men Parlament Májilisine saılaýdy bir mezgilde ótkizý memlekettiń uıymdastyrýshylyq jáne qarjylyq resýrstaryn ońtaılandyrýǵa múmkindik beredi, bul qazirgi ekonomıkalyq ahýal jaǵdaıynda mańyzdy.
«Aq jol» demokratııalyq partııasy Qazaqstandaǵy jetekshi saıası uıymdardyń biri retinde atalǵan saılaýǵa óziniń qatysatynyn málimdeıdi.
Biz qurylǵan sátten bastap barlyq parlamenttik saılaýǵa qatysyp kelemiz. 2004 jyly «Aq jol» QDP partııalyq tizimi boıynsha 12% daýys jınady, al 2012 jyldan bastap QR Parlamenti Májilisinde turaqty túrde parlamenttik fraktsııany quraıdy.
«Aq jol» demokratııalyq partııasy aldaǵy ýaqytta da Qazaqstannyń ulttyq múddelerine, parlamenttik ınstıtýttardy engizýge, naryqtyq ekonomıkany damytýǵa jáne sybaılas jemqorlyqqa qarsy kúresti júrgizýge qyzmet etetin bolady.
Biz sondaı-aq pandemııanyń jańa tolqyny men ózge de syrtqy syn-tegeýrinderdiń saqtalyp otyrǵan qaýipine baılanysty, búgingi kezeńniń kúrdeliligin atap ótemiz. Saılaý organdaryn, basqa partııalardaǵy áriptesterimizdi jáne saılaýshylardy saılaý aldyndaǵy is-sharalardy ótkizý kezinde barlyq qajetti qaýipsizdik sharalaryn saqtaýǵa, sondaı-aq adal jáne ashyq saılaý ótkizýge shaqyramyz.