«Aq jol» partııasy el tarıhyn nasıhattaýǵa zor úles qosyp júr - professor

NUR-SULTAN. QazAqparat – Búgin «Qazaq Respýblıkasynyń 100 jyldyǵy jáne onyń qurylýyna «Alash» qaıratkerleriniń qosqan úlesi» taqyrybynda onlaın konferentsııa ótti. Ǵalymdar jıyndy uıymdastyrǵan «Aq jol» demokratııalyq partııasyna alǵys aıtty, dep habarlaıdy QazAqparat tilshisi.

«Biz ata-babalarymyzdyń ótken jolyn ulyqtaýǵa tıispiz. «Qazaq Respýblıkasynyń 100 jyldyǵyn erekshe atap ótip jatqan «Aq jol» demokratııalyq partııasynyń barlyq múshesine kóp alǵys bildiremiz. Eń bastysy – elimizdiń tarıhyn nasıhattaýǵa «Aq jol» demokratııalyq partııasynyń qosyp júrgen úlesi zor ekenin bárimiz bilemiz. Ǵalymdar jınalǵan jerde jaqsy usynystar aıtylady, biz de óz pikirimizdi qosaıyq», - deıdi tarıh ǵylymdarynyń doktory, professor Aqqalı Ahmet.

Onyń aıtýynsha, Qazaq Respýblıkasy qurylǵan kezde qazaq eli óte kúrdeli kezeńdi basynan keshirip jatty.

«Biz áli kúnge deıin Alash zııalylarynyń eńbegin elep, durys dáripteı almaı kelemiz. Ár oblys óz tulǵalaryn ǵana tanýmen aınalysyp jatqandaı. Shyn máninde Álıhan Bókeıhanov bolsyn, Halel Dosmuhamedov, Ýálıhan Tanashev, Mustafa Kókebaev bolsyn – osylardyń báriniń aty Atyraýdan Altaıǵa deıingi qazaq eliniń kóshelerine, mektepterine, ýnıversıtetterine, qala berdi aýyl kóshelerine berilýi tıis. Ókinishke qaraı, keı turǵalar eskerýsiz qalyp jatyr», - deıdi professor.