«Aq jol» ókilderi Tarazda jergilikti kásipkerlermen kezdesti

TARAZ. QazAqparat - Azat Perýashev bastaǵan «Aq jol» demokratııalyq partııasy búgin Taraz qalasynda bolyp, jergilikti kásipkerlermen kezdesti, dep habarlaıdy QazAqparat atalmysh saıası uıymnyń baspasóz qyzmetine silteme jasap.

Aldymen partııanyń Jambyl oblystyq fılıalynda partııa tóraǵasy jergilikti kásipkerlermen pikirlesti.

Sondaı-aq úgit-nasıhat toby óńirdegi birneshe kásiporyndy aralady. Olardyń qatarynda «POSh-Taraz» fabrıkasy, «Taraz KojObýv», «Taraz teri zaýyty» bar. «TarazKojObýv» óndiristerge qajetti bylǵary aıaq kıimderdi shyǵarady. Óndiris óz tsehtarynda zamanaýı germandyq qondyrǵylardy ornatqan. Al «POSh-Taraz» bolsa, aımaqtaǵy 1961 jyly irgetasy qalanǵan eń kóne óndiristerdiń biri. 2010 jyly munda qýattylyǵy 873,6 tonna jańa jún óńdeý tsehy iske qosylǵan bolatyn. Bul óndiris te zamanaýı frantsýzdyq qondyrǵylarmen jabdyqtalǵan. «POSh-Taraz» zaýytynda aqjoldyqtar óz saılaýaldy baǵdarlamalaryn túsindirdi.