«Aq jol» demokratııalyq partııasynyń belsendileri Shymkentke bardy

ShYMKENT. QazAqparat - Búgin Azat Perýashev bastaǵan «Aq jol» demokratııalyq partııasynyń úgit-nasıhat toby Shymkent qalasynda boldy, dep habarlaıdy QazAqparat.

Olar Shymkentte birqatar shara ótkizdi. Azat Perýashev aldymen avtosherýdi ashyp berdi. Partııa belsendileri kólikpen Shymkent áýejaıynan Qasiret» memorıalyna deıin júrip ótti.

1935-1938 jyldary elimizde 135 myń qazaqstandyq qýǵyn-súrgin qurbany boldy. Olardyń 25-myńy atyldy. Stalın lagerlerine 5 mln adam jer aýdaryldy. Olardyń 7 myńy OQO turǵyndary, 2,5 myń adam halyq jaýy dep atyldy. Partııa músheleri «Qasiret» memorıalynyń janynda saıası qýǵyn-súrgin qurbandaryn eske alyp, gúl shoqtaryn qoıdy.

Úgit-nasıhat toby sondaı-aq «Skat» áýe kompanııasy AQ-nyń ujymymen kezdesti. Bul kásiporynda «Aq jol» partııasynyń saılaýaldy baǵdarlamasy týraly baıandaldy.

Al, bul sharadan soń shtab músheleri №53 S.Raqymov atyndaǵy orta mekteptiń eńbek ujymymen kezdesti.

Sondaı-aq «Aq joldyń» úgit-nasıhat toby «Qyrǵy bazar» saýda ortalyǵynyń jumysshylarymen jáne «KARLSKRONA LC AB» kompanııasynyń ujymymen júzdesti.