«Aq Bulaq» baǵdarlamasy boıynsha 300-den astam aýyldy sýmen qamtamasyz etý úshin izdestirý-barlaý jumystary júrgizildi

ASTANA. 7 qarasha. QazAqparat - 2013 jyly «Aq Bulaq» baǵdarlamasy boıynsha 300-den astam qazaqstandyq aýyldy sýmen qamtamasyz etý úshin izdestirý-barlaý jumystary júrgizildi. Bul týraly «QR-da geologııa salasyn jáne jer qoınaýyn paıdalaný salasynyń perspektıvalary men negizgi baǵyttary» atty halyqaralyq dóńgelek ústelde QR IJTM Geologııa jáne jer qoınaýyn paıdalaný komıtetiniń tóraǵasy Bazarbaı Nurabaev málim etti, dep jazady primeminister.kz.

«Aq Bulaq» baǵdarlamasy boıynsha 341 aýyldy jer asty sýlary qorlarymen qamtamasyz etý jáne jer asty sýlarynyń 35 ken ornynyń qorlaryn qaıta baǵalaý úshin 2013 jyly izdestirý-barlaý jumystaryn aıaqtaımyz. Sondaı-aq, 744 aýyl men 40 ken orny úshin JSQ ázirleý aıaqtalyp qaldy», - dedi ol. Budan ózge, ol taǵy da 216 aýyl úshin jer asty sýlaryn geologııalyq barlaý jáne 30 ken ornynyń sý qorlaryn qaıta baǵalaý boıynsha jumystar bastalǵanyn habarlady. Bul jumys tolyǵymen 2014 jyly aıaqtalady.«Aq Bulaq» baǵdarlamasy boıynsha bizdiń komıtettiń basty mindeti qorlardy anyqtaý bolyp tabylatynyn basyp aıtqym keledi. Biz sol qorlardy anyqtap, bekitemiz, sodan keıin ákimdikter sýmen jabdyqtaý jáne sýmen qamsyzdandyrý júıelerin jóndeý nemese salý boıynsha jumystardy júrgizedi, ıaǵnı olar sýdy tutynýshyǵa deıin jetkizedi», - dep tolyqtyrdy óz sózin komıtet basshysy. Jalpy alǵanda, «Aq Bulaq» baǵdarlamasy boıynsha 110 mlrd. astam teńge bólinedi, olardyń ishinde geologııa komıtetine 4-5 paıyzy tıesili.