AITV/JITS bar naýqastardyń 90%-y tegin dári-dármektermen qamtamasyz etiledi

ASTANA. QazAqparat - 2017 jyly Qazaqstanda AITV/JITS juqtyrǵan naýqastardyń 90%-y tegin dári-dármektermen qamtamasyz etiledi. Bul týraly búgin Ortalyq kommýnıkatsııalar qyzmetinde ótken baspasóz máslıhatynda «SK-Farmatsııa» JShS basshysy Nurjan Álibaev málim etti, dep habarlaıdy QazAqparat.

«AITV/JITS bar naýqastarǵa qatysty, sizder bilesizder, bizde kelisim jasalǵan. Biz ıÝNISEF-pen kelisimshart jasadyq. Ol boıynsha, «SK-Farmatsııa» 3,5 mıllıon dollarǵa dári-dármek satyp aldy. Jyl saıyn 5,5-7 myń naýqasqa qarajat bólinip kelgen bolatyn. 2017 jyly biz shamamen 13 myń naýqasty qamtımyz dep josparlap otyrmyz. Bul - AITV/JITS bar naýqastardyń 85-90 paıyzy. ıÝNISEF arqyly satyp alýdyń tıimdiligi bar, sebebi onda baǵalar tipti basqa», - dep atap ótti ol.

Onyń sózine qaraǵanda, bolashaqta AITV/JITS bar naýqastar tolyǵymen sapaly dárilik quraldarmen qamtamasyz etiledi. N.Álibaev óziniń baıandamasynda, «SK-Farmatsııa» tarapynan dárilik qamtamasyz etý baǵytynda eshqandaı másele joq ekendigin atap ótti.

«SK-Farmatsııa» kompanııasynyń saıtynda «Dárilik zattar jáne medıtsınalyq maqsattaǵy buıymdardyń qaldyqtary boıynsha anyqtama» bólimi bar. Onda eldegi 1 107 medıtsınalyq mekemede qandaı dárilik zattar baryn tekserýge bolady. Klınıkaǵa kelgen árbir patsıent atalmysh dári-dármekterdi talap ete alady.