AirAstana kompanııasynyń atynan saýalnamaǵa qatysqandar 100 myń teńge alady degen aqparat -jalǵan

NUR-SULTAN. QazAqparat - WhatsApp-ta AirAstana kompanııasy óziniń 20 jyldyǵyna oraı júrgizip otyrǵan saýalnamaǵa silteme taratylýda. Paraqshada qatysýshylar syılyq retinde 100 000 ala alady delingen. Bul – fıshıng.

AirAstana-nyń resmı saıtynda mundaı utys oıyny týraly jazylmaǵan. Sondaı-aq bul týraly kompanııanyń áleýmettik jelilerdegi resmı paraqshalarynda da aıtylmaǵan. , dep habarlaıdy QazAqparat stopfake.kz saıtyna silteme jasap.

Sonymen qatar, áýe tasymaldaýshynyń Instagram-daǵy paraqshasynda: «Air Astana áleýmettik jelilerdegi resmı paraqshalarynda nemese airastana.com saıtynda ǵana utys oıyndaryn, konkýrstar men aktsııalar ótkizedi. Sizderden saq bolyp, alaıaqtardyń áreketterinen aýlaq bolýǵa shaqyramyz», dep jazylǵan.

Demek, paıdalanýshylarǵa usynylyp otyrǵan saýalnama áýe kompanııasynyń resmı portalynda nemese onyń áleýmettik jelilerdegi paraqshalarynda jarııalanbaǵandyqtan, ony shynaıy dep sanaýǵa bolmaıdy. ıAǵnı, bul saýalnama alaıaqtardyń isi.
Internet-alaıaqtyqtyń bul túri fıshıng dep atalady. Onyń kómegimen qaskúnemder paıdalanýshylardyń derbes aqparatyn, bank kartalarynyń derekterin, jeke jáne aqyly akkaýnttardyń logınderi men parolderin ıemdenedi.