Air China ushaǵynyń qozǵaltqyshynan órt shyqty, zardap shekkender bar

BEIJІŃ. QazAqparat – Jeksenbi kúndiz Air China ushaǵynda qozǵaltqysh órtenip, ol Sıngapýrge sátti qonyp úlgerdi, dep habarlaıdy QazAqparat South China Morning Post basylymyna silteme jasap.

Áýe kompanııasynyń habarlaýynsha, Tıanfý áýejaıynan Chendý qalasyna ushqan CA403 reısiniń jolaýshylary men ekıpaj músheleriniń bári jerge qonǵannan keıin 16:00 shamasynda úrlemeli trap kómegimen evakýatsııalandy.

Oqıǵa sebepteri tergelip jatyr.

Keıinirek Sıngapýr bıligi borttaǵy toǵyz adam jeńil jaraqat alǵanyn habarlady.

Sıngapýrdaǵy Changı áýejaıynyń №3 ushý-qoný jolaǵy ýaqytsha jabyldy. Sol jaq qozǵaltqyshtaǵy órt sóndirilip, 146 jolaýshy men 9 ekıpaj múshesi evakýatsııalandy.

Ushýdy ańdıtyn VariFlight.com qosymshasy sıngapýr ýaqytymen 20:00-degi jaǵdaı boıynsha, ushý men qonýdyń shamamen 30%-i osy oqıǵaǵa baılanysty keshiktirilgeni nemese toqtatylǵanyn kórsetti.

Changı áýejaıy Facebook-te ushaqtyń qaýipsizdigi tekserilgennen keıin shamamen úsh saǵattan soń ushý-qoný jolaǵy qaıta ashylǵanyn habarlady.