Air Astana kelesi jyly IPO-ǵa shyǵady

ASTANA. QazAqparat – Air Astana áýekompanııasynyń 49% ıelik etetin BAE Systems aktsııalardy halyqaralyq qor bırjasyna (IPO) shyǵarýdy josparlap otyr. Bul týraly «Samuryq-Qazyna» ulttyq ál-aýqat qory damytý jáne jekeshelendirý jónindegi basqarýshy dırektory Ernar Janádil málim etti, dep habarlaıdy QazAqparat tilshisi.

«Air Astana kompanııasy IPO-ǵa ótýge daıyn. Bıyl jergilikti bırjalarǵa IPO-ǵa shyǵýdy usynamyz. Biz bedeldi ınvestor taptyq. IPO-ǵa shyǵý úshin aktsıonerleriniń pozıtsııasyna qulaq asýymyz kerek. Qazir olar Air Astana halyqaralyq bırjada jáne jergilikti bırjalarda lıstıngke shyǵýy kerek deıdi. ıAǵnı, kelissózder áli de júrip jatyr, biz olardyń talaptaryn talqylap jatyrmyz. Aldyn ala boljamǵa sáıkes Air Astana kompanııasy IPO-ǵa 2024 jyly shyǵýdy josparlap otyr», - dedi Ernar Janadil Astana Finance Days konferentsııasynda.

Spıkerdiń aıtýynsha, basqa kompanııalardy da IPO-ǵa shyǵarý jaǵy qaralyp jatyr.

«Bizdiń elektr jelileri boıynsha KEGOC kompanııasy bar. Atalǵan kompanııanyń da zańdy rastaýy bar. Jergilikti bankırlerdi jaldadyq, qazir jumys júrip jatyr»,-deıdi ol.

Eske sala ketsek, ótken jyly «Samuryq- Qazyna» ál-aýqat ulttyq qorynyń basqarma tóraǵasy Almasadam Sátqalıev AirAstana-ny IPO-ǵa shyǵarý týraly sheshim jazda qabyldanatynyn habarlaǵan edi.