Air Astana IPO arqyly aldymen 120 mln dollarlyq aktsııasyn ornalastyrmaq

<p>ASTANA. KAZINFORM &ndash; &laquo;Air Astana&raquo; áýe kompanııasy IPO-ǵa shyǵýdy rastady. Bul týraly &laquo;Samuryq-Qazyna&raquo; AQ damý jáne jekeshelendirý jónindegi basqarýshy dırektory Saltanat Sátjan málim etti.</p>

«Ótken jumada «Air Astana» áýe kompanııasy IPO-ǵa shyǵý nıetin rastady. IPO arqyly áýe kompanııasy 120 mln dollarǵa alǵashqy aktsııasyn ornalastyrýdy josparlap otyr. Odan túsken qarjy «Air Astana»-ny damytý baǵytyna jumsalady», - dedi Saltanat Sátjan «Samuryq-Qazyna» AQ qoǵamdyq keńes otyrysynda.

Spıkerdiń málimdeýinshe, áýe kompanııany IPO-ǵa shyǵarý baıqaýy ashyq ári lıstıngtik retteýshi erejelerge saı ótti. Barlyq ınvestorlarǵa quqyq teńdeı berildi jáne aqparat ashyq jarııalandy.

«Odan bólek, «Samuryq – Qazyna» jáne «BaıSıstems» óz aktsııalaryn satýdy josparlap otyr. Mámileniń naqty qurylymy tıisti baǵalaýdan keıin anyqtalady», - deıdi ol.

Buǵan deıin Qazaq Air áýe kompanııasynyń qaıta satylymǵa shyǵarylǵanyn habarlaǵan edik. Búginde kompanııanyń 38 mlrd teńge qaryzy bar.