Air Astana IPO arqyly 120 mln dollar tabys tabýdy josparlap otyr

<p>ALMATY. KAZINFORM &ndash; Air Astana ІRO-ǵa qatysyp, aktsııasynyń bir bóligin satylymǵa shyǵarmaq. Osylaısha 120 mln dollar tabys tabýdy kózdep otyr. Bul qarajat kompanııanyń ózin damytýǵa jumsalady.</p>

Air Astana prezıdenti Pıter Foster Almatyda ótken brıfıngte aldaǵy ýaqytta áýe kompanııa ІRO-ǵa qatysatynyn resmı túrde rastady. 

Onyń aıtýynsha, IPO-dan áýe kompanııasy 120 mln dollar taba alady.

«IPO nátıjesinde $120 mln tartamyz dep úmittenip otyrmyz, biraq kútiletin tranzaktsııalardan qanshalyqty kóp bolatynyn aıta almaımyn. Árıne, búkil tranzaktsııanyń kólemi bul somadan aıtarlyqtaı joǵary bolady», — dedi Pıter Foster.

«Samuryq-Qazyna» AQ aktıvterin jekeshelendirý jáne qaıta qurylymdaý departamentiniń dırektory Dastan Adıhodjaevtyń aıtýynsha, bul shara — Memleket basshysynyń tapsyrmasyn jáne Úkimet qabyldaǵan 2021-2025 jyldarǵa arnalǵan jekeshelendirýdiń keshendi josparyn júzege asyrý jónindegi jumysynyń bir bóligi.

«Samuryq-Qazyna» qorynyń basty maqsaty — Air Astana kompanııasy IPO-ǵa shyqqan jaǵdaıda memlekettiń ekonomıkadaǵy úlesin azaıtý, kompanııanyń ujymdyq basqarý júıesin jaqsartý, satylym arqyly kompanııany damytýǵa qajet qarajatty tartý jáne Ulttyq qor tabysyn arttyrý bolyp otyr. Sonymen qatar otandyq baǵaly qaǵazdar naryǵyn damytý, halyqtyń ınvestıtsııalyq mádenıeti men qarjylyq saýatyn arttyrý — negizgi maqsatymyz», — deıdi ol.

Sondaı -aq ol ІRO barysynda qarapaıym aktsııalarmen qatar depozıtarııdiń ǵalamdyq qolhaty da satylatynyn atap ótti.

«Buǵan deıin ótkizilgen ІRO men SPO-dan aıyrmashylyǵy — ol kezde „Samuryq-Qazyna“ ǵana aktsııa satsa, bul joly birden úsh tarap ІRO arqyly aktsııa sataıyn dep otyr. Kompanııa 120 mıllıon dollarǵa deıingi aktsııasyn naryqqa shyǵara alady. Al qarjy kompanııa qurylymyn jaqsartýǵa jumsalady», — deıdi Dastan Adıhodjaev.

Baǵa dıapazonyn jarııalaý protsedýrasy, sondaı-aq ınvestorlardyń tapsyrystar kitabyn jáne roýd-shoýdy qalyptastyrýdyń bastalýy osy jyldyń qańtar aıynyń sońynda ótedi.